វ៉ាវ! លេចវត្តមានម្ចាស់មកុដបវរកញ្ញាជួរមុខ ៣ រូប បើកឆាកកម្មវិធីប្រកួតផ្តាច់ព្រ័ត្រ Miss Mera Cambodia យប់មិញ
មហាជននិយមតាមដានវិស័យប្រកួតបវរកញ្ញា ច្បាស់ជាបានស្គាល់រួចមកហើយកម្មវិធីប្រកួតបវរកញ្ញាថ្មីសន្លាង ដែលបង្កើតឡើងដោយកូនខ្មែរ «Miss Mera Cambodia» មាន National Director គឺកញ្ញា ខាត់ ស្រីចាន់ អតីត Miss Grand កំពង់ឆ្នាំង ២០២១ និង ជាលំដាប់រងទី ៤ Miss Grand Cambodia 2021 ព្រមទាំងលោក វឌ្ឍនា ភានិត ជា Vice President។
ក្នុងនោះដែរ បន្ទាប់ពីបានរកឃើញបេក្ខជនប្រកួតផ្លូវការចំនួន ១៦ នាក់រួចរាល់ហើយនោះ កម្មវិធី Miss Mera Cambodia បានបន្តដំណើរនៃការប្រកួតអស់រយៈពេលជាច្រើនខែ ដោយកាលពីថ្ងៃទី ០៣ ខែធ្នូ ឆ្នាំ ២០២៤ កម្មវិធី Miss Mera Cambodia បានរកឃើញម្ចាស់មកុដដំបូងហើយ គឺបានទៅលើកញ្ញា ថាន រតនា។
ដោយឡែក បើក្រឡេកទៅមើលដំណើរនៃការប្រកួតវគ្គផ្តាច់ព្រ័ត្រ Miss Mera Cambodia ឯណោះវិញ ត្រូវបានមហាជនផ្ទុះការសរសើរយ៉ាងខ្លាំង ដោយម្នាក់ៗបានលើកឡើងថា នេះជាកម្មវិធីថ្មីសន្លាង ប៉ុន្តែការប្រកួតពិតជាធ្វើបានល្អណាស់។
ជាងនេះទៅទៀត ក្នុងការបើកឆាកនៃការបង្ហាញវត្តមានរបស់ Miss Mera Cambodia ទាំង ១៦ រូប ក៏មានវត្តមានរបស់ម្ចាស់មកុដ ៣ តំណែងផ្សេងគ្នាមកបើកឆាកកម្មវិធីដែរ ដោយក្នុងនោះរួមមាន កញ្ញា ពេជ្រ វត្តីសារ៉ាវឌ្ឍី Miss Grand Cambodia 2022, កញ្ញា ចន សុទីម៉ា Miss Universe Cambodia 2023 និង កញ្ញា សៃហ្វុន Miss Queen Cambodia 2022 និង ជាលំដាបរងទី ១ Miss Universe Cambodia 2023៕
