សល់ ២ ថ្ងៃទៀតប្រកួតផ្តាច់ព្រ័ត្រ Nean Nean កាន់តែជឿជាក់ពោរពេញដោយកម្លាំង ដើម្បីមុខមាត់កម្ពុជា
បើទោះជាមិនបានក្លាយទៅជាម្ចាស់មកុដ Miss Queen Cambodia 2024 ក៏ពិតមែន ប៉ុន្តែបវរកញ្ញាភេទទី ៣ កញ្ញា Nean Nean បានទទួលមកុដមួយ ក្នុងតំណែង Miss Star Cambodia 2024 និង តំណាងឱ្យកម្ពុជាទៅប្រកួតលើឆាកអន្តរជាតិ Miss Star International 2024 នៅប្រទេសប្រេស៊ីល។
បើគិតមកដល់ពេលនេះរយៈពេលប្រមាណជិត ១ សប្តាហ៍ហើយ ដែលកញ្ញា Nean Nean បានធ្វើដំណើរទៅកាន់ប្រទេសប្រេស៊ីល និង ត្រៀមប្រកួតវគ្គផ្តាច់ព្រ័ត្រនៅថ្ងៃទី ១៣ ខែធ្នូ ឆ្នាំ ២០២៤ ខាងមុខនេះ។
ជាការពិត ការធ្វើដំណើរទៅកាន់ប្រទេសប្រេស៊ីលនេះដែរ កញ្ញា Nean Nean បានរួមដំណើរជាមួយនឹងមិត្តភក្តិម្នាក់ប៉ុណ្ណោះ ប៉ុន្តែកម្លាំងចិត្តរបស់នាង គឺមិនរសាត់នោះឡើយ ក៏ព្រោះការផ្តល់កម្លាំងចិត្តពីចម្ងាយរបស់អ្នកគាំទ្រកម្ពុជា។
ក្នុងនោះ សកម្មភាពនៃការបង្ហាញខ្លួននានារបស់ Nean Nean ពីមួយថ្ងៃទៅមួយថ្ងៃកាន់តែមានភាពជឿជាក់ ធ្វើឱ្យអ្នកគាំទ្រកម្ពុជារំពឹងទុកថាបវរកញ្ញាភេទទី ៣ តំណាងកម្ពុជារូបនេះ នឹងអាចឈានដល់ Top កំពូលបាន៕
