(វីដេអូ) កុយ អេនណា កាន់តែស្អាតបែបខ្មែរអង្គរទាំងសម្បុរ និង រូបរាង រីឯការតែងខ្លួនក៏ផ្សំគំនិតជួយលើកស្ទួយទេសចរណ៍ជាតិ

ពីមួយថ្ងៃទៅមួយថ្ងៃ បវរកញ្ញា កុយ អេនណា កាន់តែបង្ហាញភាពលេចធ្លោរបស់ខ្លួន និង កំពុងក្លាយជាគ្រាប់ពេជ្រក្នុងចិត្តអ្នកគាំទ្រវិស័យបវរកញ្ញា ដោយកាន់តែស្រឡាញ់ពេញចិត្តនាងខ្លាំងឡើង ជាមួយនឹងភាពជឿជាក់ សម្រស់ ចំណេះដឹង សមត្ថភាព និង ទេពកោសល្យផ្សេងៗ។

ពិតណាស់ មួយរយៈធំនេះ បវរកញ្ញា កុយ អេនណា តែងអង្រួនចិត្តអ្នកគាំទ្រជាមួយនឹងរូបភាពលេងស្ទីលប្លែកៗ បង្ហោះលើគណនីហ្វេសប៊ុករបស់នាង មិនដែលឱ្យសាំភ្នែកអ្នកគាំទ្រឡើយ រាល់ការលេងស្ទីលតែងខ្លួនរបស់នាង សុទ្ធតែមានភាពលេចធ្លោ និង ទាក់ភ្នែកមហាជនជានិច្ច។

លើសពីនេះ អ្វីដែលកាន់តែចាប់អារម្មណ៍ និង គួរឱ្យសរសើរខ្លាំងចំពោះបវរកញ្ញារូបនេះ ដែលគេសង្កេតឃើញថារាល់សកម្មភាព ក៏ដូចជារូបភាពថ្មីៗជាច្រើនដែលនាងបានថតបង្ហាញពីកន្លែងមួយទៅកន្លែង ឃើញថាសុទ្ធសឹងតែរំលេចនូវសម្បត្តិវប្បធម៌ខ្មែរ ដែលនាងបង្ហាញពីគោលបំណងចង់ចូលរួមជាចំណែកមួយជួយផ្សព្វផ្សាយពីវប្បធម៌ និង វិស័យទេសចរណ៍ជាតិផងដែរ។

បើចាប់អារម្មណ៍ពីរូបសម្រស់វិញ អេនណា កាន់តែទទួលបានការចាប់អារម្មណ៍សរសើរខ្លាំងពីមហាជនជាមួយរូបរាង ពណ៌សម្បុរ កាន់តែស្រស់ស្អាតបែបខ្មែរអង្គរ ជាពិសេសពេលនាងស្លៀកពាក់បែបខ្មែរសាមញ្ញៗនៅតំបន់ទេសចរណ៍ផ្សេងៗឆក់បានក្រសែភ្នែកអ្នកគាំទ្រខ្លាំងទាំងខ្មែរ និង ជនបរទេស៕

សូមទស្សនាវីដេអូខាងក្រោម៖