ឃើញលេចមុខជួបជុំគ្រួសារ ការពិតតារាចម្រៀងរ៉េប GMENGz និង តារាស្រី លីលី មានទំនាក់ទំនងនឹងគ្នាបែបនេះ
អ្នកគាំទ្រវិស័យចម្រៀងរ៉េបច្បាស់ជាបានជ្រាបហើយថា គិតមកដល់ពេលនេះ រយៈពេលប្រមាណជាង ១ ឆ្នាំប៉ុណ្ណោះ ដែលតារាចម្រៀងរ៉េបវ័យក្មេង GMENGz បានប្រឡូកក្នុងវិស័យចម្រៀងរ៉េបពេញលេញ។ ក្នុងនោះ គេចាំបានថា ក្នុងការប្រកួត The Rapper Cambodia បើទោះជាមិនបានឈានចូល Top កំពូលក៏ពិតមែន ប៉ុន្តែ GMENGz ឆក់បានប្រជាប្រិយភាពខ្លាំងមិនចាញ់តារាចម្រៀងរ៉េបស្រករក្រោយផ្សេងទៀតនោះឡើយ។
ងាកមកកាន់ជីវិតឯកជនឯណោះវិញ តារាចម្រៀងរ៉េប GMENGz មានបងប្អូនចំនួន ៣ នាក់ ដោយមាន ស្រី ១ នាក់ និង ប្រុស ២ នាក់។ លើសពីនោះ អ្វីដែលចាប់អារម្មណ៍បើទោះជាគ្មានបងប្អូនណាមានអាជីពជាតារាចម្រៀងរ៉េបដូចលោកក្តី តែ GMENGz ក៏មានបងជីដូនមួយជាអ្នកសិល្បៈដូចគ្នាដែរ។
ថ្មីៗនេះ ក្នុងថ្ងៃខួបកំណើតរបស់ GMENGz កាលពីថ្ងៃ ១៨ ខែធ្នូ ឆ្នាំ ២០២៤ កន្លងទៅ ដែលរៀបចំញុំាអាហារជាលក្ខណៈគ្រួសារ គេបានឃើញវត្តមានរបស់តារាចម្រៀងស្រី កញ្ញា លីលី ដែលជាអតីតសមាជិកក្រុមចម្រៀង High Class ចូលរួមទៀតផង ព្រោះបើតាមដឹងកញ្ញា លីលី គឺជាបងជីដូនមួយរបស់ GMENGz៕
