ដល់ថ្នាក់ហ្នឹង! កម្រងផ្កាបុណ្យសពជាច្រើនបានផ្ញើទៅ Jungwon សមាជិកក្រុម ENHYPEN ក្រោយផ្ទុះចចាមអារ៉ាមទាក់ទងគ្នាជាមួយ Winter សមាជិកក្រុម aespa

មហាជនតាមបណ្ដាញសង្គមបាននាំគ្នាផ្ទុះការវែកញែកយ៉ាងក្ដៅគគុកជុំវិញរូបភាពមួយចំនួនដែលបង្ហាញឱ្យឃើញកម្រងផ្កាបុណ្យសពជាច្រើនត្រូវបានដាក់តម្រៀបគ្នាពេញមុខអគារក្រុមហ៊ុន HYBE។ កម្រងផ្កាទាំងនោះត្រូវបានឱ្យដឹងថា មានអ្នកបញ្ជូនទៅជាការប្រតិកម្មលើរឿងចចាមអារ៉ាមស្នេហារវាងតារាចម្រៀង Jungwon និង Winter។

បើទោះជា Jungwon បានចេញមកបដិសេធចចាមអារ៉ាមនេះតាមសារប្រកាសផ្លូវការ និង តាមការឡាយដោយផ្ទាល់លើ Weverse ក្ដី ប៉ុន្តែកម្រងផ្កាបុណ្យសពទាំងនេះនៅតែបញ្ជូនមកប្រតិកម្មរិះគន់លោកជុំវិញរឿងអាស្រូវស្នេហា និង ថែមទាំងស្នើឱ្យដកលោកចេញពីក្រុមទៀតផង។

បើតាមមហាជននៅក្នុងប្រទេសកូរ៉េ កម្រងផ្កាទាំងនោះអាចបញ្ជូនមកដោតក្រុមអ្នកគាំទ្រជនជាតិចិនដែលគេហៅថា akgae ជាពាក្យសំដៅលើក្រុមអ្នកគាំទ្រដែលស្រឡាញ់គាំទ្រសមាជិកម្នាក់ក្នុងក្រុមតែវាយប្រហារសមាជិកផ្សេងទៀតក្នុងក្រុមតែមួយ៕

ប្រភព៖ Allkpop