អ្នកគាំទ្រស្លុ-តចិត្ត ក្រោយឃើញតារាក្បាច់គុនចិន Wu Jing ដើរកាន់ឈើច្រត់តាមផ្លូវ
កាលពីថ្ងៃទី ២១ ខែកញ្ញា ឆ្នាំ ២០២២ តារាសម្ដែងចិនដ៏ល្បី Wu Jing ឬ Jacky Wu ត្រូវបានគេប្រទះឃើញលោកបានប្រើឈើច្រត់ដើរតាមផ្លូវសាធារណៈ។ នេះបើតាមការចុះផ្សាយរបស់សារព័ត៌មានចិន Sina បានឱ្យដឹងថា តារាប្រុសរូបនេះ ទើបតែបានជាធូរស្បើយបន្តិច ដោយសារតែរបួសជង្គង់។
ប្រភពដដែលបានបន្តថា ក្នុងនាមជាតារាក្បាច់គុនចិនល្បីឈ្មោះម្នាក់ លោក Wu Jing បានរងរបួសជាច្រើនកន្លែង អំឡុងពេលថតសម្ដែង។ យ៉ាងណាមិញ កាលពីលោកមានអាយុ ១៤ ឆ្នាំ តារាប្រុសរូបនេះបានរបួសឆ្អឹងខ្នងរហូតអាចនឹងពិការអវយវៈក្រោមទៀតផង ប៉ុន្តែបានទទួលការព្យាបាលដិតដល់បន្ថែមរយៈពេល ២ ខែ ទើបអាចកម្រើកខ្លួនបានវិញ។ ហើយមួយវិញទៀត កាលពីអាយុ ១៨ ឆ្នាំ លោកក៏បានរងរបួសជើងស្តាំធ្ងន់ដេរជាង ៣៥ ថ្នេរ ដោយសារការប្រកួត។
ដូច្នេះហើយបច្ចុប្បន្ន ជង្គង់របស់តារាប្រុសរូបនេះ បានរងការប៉ះទង្គិចម្ដងទៀត។ ទើបបានជាលោកត្រូវទៅមន្ទីរពេទ្យចាក់ម្ជុលវិទ្យាសាស្រ្តឱ្យបានញឹកញាប់៕
