(វីដេអូ) ពិធីភ្ជាប់ពាក្យ រឿន ណាត និង គូស្នេហ៍ថ្ងៃនេះ រៀបចំបែបបស្ចិមប្រទេស ស្អាតប្រណីត រ៉ូមែនទិកអស់ទាស់
ក្រោយពីគូស្នេហ៍រូបសង្ហាសុំរៀបការបានមួយរយៈ ថ្មីៗកន្លងទៅនេះ ក៏បានឃើញ រឿន ណាត ដឹកដៃគូស្នេហ៍រូបសង្ហា លាវ វេងហួរ ទៅថត Pre-Wedding យ៉ាងស្រស់ស្អាត និង ផ្អែមល្ហែម ត្រៀមសម្រាប់ថ្ងៃពិសេសរៀបការឆាប់ៗខាងមុខ។
យ៉ាងណាមិញ ក្រោយពីបង្ហាញសកម្មភាពទៅថត Pre-Wedding ប៉ុន្មានថ្ងៃ មុននឹងឈានដល់ថ្ងៃពិសេសចូលរោងការតាមប្រពៃណីខ្មែរ គូស្នេហ៍មួយគូនេះ ក៏បានជូនដំណឹងពីការរៀបចំកម្មវិធីភ្ជាប់ពាក្យបោះធៀបអញ្ជើញភ្ញៀវចូលរួមអបអរជាច្រើន ដែលពិធីរៀបចំឡើងនៅថ្ងៃទី ២០ ខែធ្នូ ឆ្នាំ ២០២៤ នេះ នៅសណ្ឋាគាររ៉ាហ្វិល ឡឺរ៉ូយ៉ាល់។
មកដល់ថ្ងៃទី ២០ ខែធ្នូ ឆ្នាំ ២០២៤ ជាថ្ងៃពិសេសរបស់គូស្នេហ៍ស្រីស្អាតប្រុសសង្ហាមួយគូនេះ ដែលកំពុងទទួលបានការអបអរពីមហាជនអ្នកគាំទ្រជាច្រើនជាមួយនឹងក្ដីរំភើបជំនួសអ្នកទាំងពីរ។ អ្វីកាន់តែចាប់អារម្មណ៍ បើក្រឡេកមើលទិដ្ឋភាពនៃការរៀបចំកម្មវិធីភ្ជាប់ពាក្យនេះដែរ គឺអ្នកទាំងពីរបានរៀបចំបែបបស្ចិមប្រទេស ដែលមានដេគ័រផ្កាកុលាបសយ៉ាងស្រស់ស្អាតប្រណីតនៅក្នុងសណ្ឋាគារ និង មានភាពរ៉ូមែនទិកខ្លាំង ទាំងកន្លែងកូនក្រមុំកូនកំលោះ និង តុទទួលភ្ញៀវកិត្តិយសចូលរួមបែបទំនើបត្រជាក់ភ្នែក៕
សូមចុចទីនេះ ដើម្បីទស្សនាវីដេអូ៖
