ឃើញ Fan Bingbing ហាត់ប្រាណថែរាង បំប៉នស្បែក ស្រាប់តែអ្នកគាំទ្រចាប់ផ្តើមសង្ស័យរឿងមួយ
កាលពីពេលថ្មីៗនេះ តារាសម្ដែងស្រី Fan Bingbing បានបង្ហោះរូបថតជាច្រើនសន្លឹករបស់នាងនៅលើបណ្តាញសង្គម Weibo ធ្វើឱ្យក្រុមអ្នកគាំទ្រមានការចាប់អារម្មណ៍ខ្លាំង ទៅលើស្បែកមុខសរលោងស្អាតដូចក្រដាស។
បើទោះបីនាងមានវ័យ ៤០ ឆ្នាំហើយក៏ដោយ ប៉ុន្តែមើលទៅ Fan Bingbing នៅតែមានមនុស្សជាច្រើនចោទសួរជាសំណួរពីអាថ៌កំបាំងនៃការថែរក្សាសម្រស់របស់នាង។ លើសពីនេះ នាងត្រូវបានគេចាប់អារម្មណ៍ឃើញថាមានសាច់មុខស្អាតជាងមុនទៀត បន្ទាប់ពីនាងបានបង្ហោះរូបថតធ្វើលំហាត់ប្រាណ។
យ៉ាងណាក៏ដោយ ក៏មានអ្នកនិយមលេងអ៊ីនធឺណេតភាគច្រើនមានការសង្ស័យថា តារាស្រីរូបនេះកំពុងត្រៀមថតរឿងថ្មី មើលទៅសកម្មនឹងការហាត់ប្រាណ ថែទាំរាងកាយ ហើយស្រកគីឡូច្រើនជាងមុន។
ទោះជាយ៉ាងនេះ តារាស្រីរូបនេះនៅមិនទាន់មានការឆ្លើយនោះទេ ព្រោះរយៈពេល ៥ ឆ្នាំមកហើយ ដែលនាងបានបាត់មុខពីវិស័យភាពយន្តចិន ដោយសាររឿងអាស្រូវគេចពន្ធ ហើយមិនសង្ឃឹមថាអាចមានឱកាសត្រឡប់មកសកម្មក្នុងវិស័យសិល្បៈក្នុងប្រទេសចិនវិញ៕
