ត្រូវជើងគ្នាល្អណាស់! បំពង់ស៊ីម៉ាំង នូឌី និង កូនជ្រូក តាមទាន់គ្រប់រឿង ពេលសម្ដែងម្តងៗគេនាំគ្នាផ្ទុះសំណើចលាន់

ដូចដែលប្រិយមិត្តបានដឹងហើយថា នាពេលបច្ចុប្បន្ននេះមានបងប្អូនច្រើនណាស់ដែលនិយមតាមដានទស្សនាវីដេអូកម្សាន្តតាមរយៈកម្មវិធី Tik Tok និង ហ្វេសប៊ុក ព្រោះមានអ្នកផលិតមាតិកាខ្មែរច្រើនដែលបានថតវីដអូផ្សេងៗគ្នា ពិសេសគឺវីដេអូកំប្លែង។

ដោយឡែក ក្នុងចំណោមអ្នកផលិតមាតិកាទាំងអស់មហាជនហាក់ចាប់អារម្មណ៍នឹងក្រុមមួយក្រុមដែលមានសមាជិក ៣ នាក់ រួមមាន បំពង់ស៊ីម៉ាំង នូឌី និង កូនជ្រូក ដែលអ្នកទាំងបីសុទ្ធសឹងជាអ្នកមានទេពកោសល្យកំប្លែង ឱ្យតែប៉ះគ្នាដឹងតែផ្ទុះសំណើចលាន់។

មិនត្រឹមតែមានទេពកោសល្យសម្ដែងកំប្លែងប៉ុណ្ណោះទេ អ្នកទាំង ៣ ក៏មានទេពកោសល្យតុបតែងខ្លួនឱ្យប្លែក និង ស្រស់ស្អាតផងដែរ។ ភាគច្រើនឱ្យតែរឿងកំប្លែងខ្លីអ្នកទាំង ៣ ចេញ គឺផ្ទុះការសរសើរខ្លាំង ព្រោះថាសម្ដែងត្រូវជើងត្រូវដៃគ្នាណាស់ ទាំងពាក្យសម្ដី និង ទឹកមុខ៕