ទើបប្រកាសបើកចិត្តមើលគ្នា Nine និង Baifern ធ្លាយរូបភាពណាត់ជួបគ្នាផ្អែមល្ហែមបាត់

មួយរយៈទៅហើយ ដែលតារាប្រុស Nine Naphat និង Baifern បានចេញមុខបកស្រាយថាកំពុងតែបើកបេះដូងមើលចិត្តគ្នា បន្ទាប់ពីផ្ទុះល្បីថាអ្នកទាំងពីរឆ្លងដែនពីពាក្យថាមិត្ត មកក្លាយជាសង្សារនឹងគ្នានោះ។

ទន្ទឹមនឹងអ្នកទាំងពីរ បានចេញមុខស្រាយមន្ទឹលសង្ស័យរបស់មហាជននេះដែរ រឹតកាន់តែធ្វើឱ្យអ្នកគាំទ្រចាប់ក្រសែភ្នែកមើលកាន់តែខ្លាំងលើសដើមថា បន្ទាប់ពីឆ្លងបន្ទាត់មិត្តក្លាយជាសង្សារហើយ សកម្មភាពអ្នកទាំងពីរទៅជាយ៉ាងណា ពោលគឺ ផ្អែមល្ហែម ឬ ហ៊ានបង្ហាញភាពស្និទ្ធស្នាលដូចមុន ឬ ក៏អត់?

យ៉ាងណាមិញ បន្ទាប់ពីមហាជនកំពុងតែចាប់ក្រសែភ្នែកនេះដែរ ស្រាប់តែថ្មីៗនេះ មានអ្នកគាំទ្រម្នាក់បានប្រទះឃើញអ្នកទាំងពីរស្កាត់ជួបគ្នាផ្អែមល្ហែមកណ្តាលផ្សារតែម្តង រហូតធ្វើឱ្យអ្នកគាំទ្រជ្រួលច្របល់នៅពុំសុខ ចង់ឱ្យអ្នកទាំងពីរបើកមុខចំៗថា ពិតជាដូចគូស្នេហ៍តារាដ៏ទៃ នៅក្នុងរង្វង់សិល្បៈ៕