(វីដេអូ) អួលដើម-ក! Miss Grand ស្ទឹងត្រែង ទឹកភ្នែកហូរទាំងក្ដុកក្ដួល ទម្លាយគ្រប់យ៉ាងកំលុងពេលប្រកួត ស្តាប់ហើយរំជួលខ្លាំង

ស្របពេលកម្មវិធីប្រកួត Miss Grand Cambodia 2023 កំពុងតែដំណើរការជិតឈានទៅដល់វគ្គផ្តាច់ព្រ័ត្រ មហាជនអ្នកគាំទ្រការប្រកួតមួយនេះក៏កំពុងរំពឹងទុកថា Idol ក្នុងដួងចិត្តរបស់ពួកគេនឹងអាចឈានចូលដល់ Top ណាមួយជាក់ជាមិនខាន។ លើសពីនោះ មហាជនទូទៅក៏កំពុងចាំអ៊ុតមើលថា តើបេក្ខនារីមានទាំងសម្រស់ និង សមត្ថភាពរូបណា ដែលអាចដណ្តើមបានមកុដក្នុងឆ្នាំ ២០២៣ នេះ។

ងាកទៅកាន់ Miss Grand ស្ទឹងត្រែង កញ្ញា ម៉ូវ សុផាន់ ដែលកំពុងទទួលបានការចាប់អារម្មណ៍ពីសំណាក់មហាជនពីសមត្ថភាព និង ការប្រឹងប្រែងវិញនោះ ថ្មីៗនេះក៏បានទម្លាយពីជីវិតឯកជនរបស់ខ្លួនជាសាធារណៈ ធ្វើឱ្យអ្នកគាំទ្រមានអារម្មណ៍ក្តុកក្តួលអួលដើម-ក យ៉ាងខ្លាំង។

វីដេអូប៉ុន្មាននាទីរៀបរាប់ទាំងទឹកភ្នែករបស់ Miss Grand ស្ទឹងត្រែង កញ្ញា ម៉ូវ សុផាន់ បានឱ្យដឹងថា នាងគឺជាអ្នកមកពីក្រុមគ្រួសារមានជីវភាពខ្វះខាត ដោយឪពុកធ្វើការបើកប្រាក់កំរៃមួយថ្ងៃបានត្រឹម ១ ម៉ឺន ទៅ ២ ម៉ឺនរៀលប៉ុណ្ណោះ។ រីឯក្នុងចំណោមបងប្អូន ៣ នាក់ មានតែនាងទេដែលរៀនបានខ្ពង់ខ្ពស់ជាងគេ ដោយបច្ចុប្បន្ននាងកំពុងរៀនឆ្នាំទី ៣ ហើយដើម្បីផ្គត់ផ្គង់ជីវភាពគ្រួសារនាងត្រូវរៀនបណ្តើរ ធ្វើការបណ្តើរ។

អ្វីកាន់តែធ្វើឱ្យអ្នកទស្សនាវីដេអូនោះរំជួលចិត្តទៀតនោះ ម៉ូវ សុផាន់ បានបន្តថា ព្រោះតែក្តីស្រឡាញ់ និង សង្ឃឹមថាវិស័យបវកញ្ញា អាចកែប្រែជីវិតរបស់នាងឱ្យមានជីវភាពល្អប្រសើរ នាងបានលាឈប់ធ្វើការទាំងស្រុង ដើម្បីមកហ្វឹកហាត់ទាំងថ្ងៃទាំងយប់បំពេញក្តីស្រមៃរបស់ខ្លួន ហើយចំណុចនេះដែរក៏ធ្វើឱ្យជីវភាពរបស់នាងខ្វះខាត។ រីឯស្បែកជើងកែងដើរប្រកួត ក៏នាងគ្មានលុយទិញ គឺមានគេទិញឱ្យដែរ៕

សូមចុចទីនេះដើម្បីទស្សនាវីដេអូ៖