គ្រាន់តែឃើញ Jett អតីតសង្សារចាស់ ទទួលបានកូនប្រុសម្នាក់ភ្លាម ស្រាប់តែ Kim មិនអែអង់យូរ ធ្វើរឿងនេះភ្លែត

ប្រិយមិត្តច្បាស់ជាចាំជាក់ជាពុំខានពីលោក Jett Nattapong ដែលជាអ្នកដឹកនាំរឿងដ៏ល្បីប្រចាំស្ថានីយទូរទស្សន៍ប៉ុស្តិ៍លេខ ៣ ថៃ និង ជាអតីតសង្សារចាស់របស់កំពូលតារាសម្ដែងស្រី Kim Berley។

បច្ចុប្បន្ន អ្នកដឹកនាំរឿងរូបសង្ហា Jett Nattapong បានរៀបការជាមួយនឹងនាង Pimpartty ហើយពេលនេះជីវិតគ្រួសារលោក Jett កំពុងតែមានសុភមង្គលទ្វេដង ខណៈដែលទើបទទួលបានកូនប្រុសម្នាក់ ជាចំណងដៃស្នេហ៍កាលពីថ្ងៃទី ១៦ ខែតុលា ឆ្នាំ ២០២២ កន្លងទៅនេះ។

ដោយឡែក អ្វីដែលមហាជនចាប់អារម្មណ៍ខ្លាំងនោះ ក្រោយឃើញលោក Jett និង ភរិយា បានស្វាគមន៍កូនប្រុសដំបូងដែលមានឈ្មោះថា អូន Anakin ភ្លាមនោះ ស្រាប់តែកំពូលតារាស្រី Kim បានចូលទៅបញ្ចេញមតិអបអរសាទរ  ពោរពេញដោយភាពកក់ក្ដៅ ចេញពីទឹកចិត្តរាប់អានដោយស្មោះ។ ក្រោយឃើញសកម្មភាពបែបនេះ មហាជនពិតជាកោតសរសើរ សម្រាប់កំពូលតារាស្រីរូបនេះ បើទោះជាធ្លាប់មានស្លាកស្នាមស្នេហាចាស់កន្លងមក តែនាង និង លោក Jett នៅតែរាប់អានគ្នា ផ្ដល់ស្នាមញញឹមឱ្យគ្នាទៅវិញទៅមក៕