មិនស្មានសោះ! MTG 2023 គង់ ចន្ទ័ណារីយ៉ា និង រស្មី បេក្ខជនឆ្នើម ROAD 2THE STAR មានទំនាក់ទំនងនឹងគ្នាយ៉ាងនេះ
ថ្មីៗនេះ មហាជនអ្នកគាំទ្រកម្មវិធី ROAD 2THE STAR ច្បាស់ជាបានដឹងហើយពីការរកឃើញម្ចាស់ជ័យលាភីក្នុងចំណោម Top 7 ដោយបានទៅលើបេក្ខជន ណាវីត។ យ៉ាងណា ក្រៅពីម្ចាស់ជ័យលាភីឯក មហាជនក៏មានការគាំទ្រដល់បេក្ខជនដទៃទៀត ដែលបានចូលមកកាន់វគ្គផ្តាច់ព្រ័ត្រផងដែរ។
ជាក់ស្តែង ក្នុងចំណោម Top 7 បេក្ខជន ស្មី ក៏ត្រូវបានទទួលបានការគាំទ្រពីសំណាក់មហាជនដែរ ដោយបេក្ខជនរូបនេះមានសមត្ថភាពជាច្រើន រួមមានទាំងការច្រៀង ការសម្តែង ជាដើម។ លើសពីនោះ បេក្ខជន ស្មី ក៏មានទេពកោសល្យអាចលេងហ្គីតាបានយ៉ាងស្ទាត់ជំនាញទៀតផង។
ងាកមកកាន់ជីវិតឯកជនវិញ ក៏អាចមានមហាជនតិចបំផុតដឹងថា បេក្ខជន ស្មី ដែលមានឈ្មោះពេញ គង់ ចន្ទ័រស្មី គឺជាបងប្រុសបង្កើតរបស់បវរកញ្ញាវ័យក្មេង ម្ចាស់មកុដ MTG 2023 យុវតី គង់ ចន្ទ័ណារីយ៉ា។
ក្នុងនោះដែរ ក្រោយពីបានដឹងថា ពន្លកសិល្បៈវ័យក្មេងទាំង ២ រូប ខាងលើគឺ Top 7 ROAD 2THE STAR គង់ ចន្ទ័រស្មី និង MTG 2023 គង់ ចន្ទ័ណារីយ៉ា គឺជាបងប្អូនបង្កើតគ្នានោះ មានមហាជនអ្នកគាំទ្របានសរសើរយ៉ាងខ្លាំងថា បងប្អូនមួយគូនេះមិនត្រឹមតែស្អាត ឆ្លាតមានចំណេះដឹង តែក្រឡេកលើជំនាញក្នុងវិស័យសិល្បៈក៏មានទេពកោសល្យដូចគ្នា៕
