ភ្ញាក់ផ្អើល! ពេលឃើញប្រុសស្អាត Paing កាន់ដៃ ស៊ីន យូប៊ីន ស្លៀកពាក់ឈុតប្រពៃណីខ្មែរនៅអង្គរវត្ត

នៅថ្ងៃទី ០៥ ខែកញ្ញា ឆ្នាំ ២០២៣ នេះ តារាសម្ដែងប្រុសរូបសង្ហាលោក Paing Thakhon និង ស្រីស្រស់ ស៊ិន យូប៊ីន បានចេញមកបង្ហោះរូបភាព និង វីដេអូយ៉ាងស្រស់ស្អាតដោយបានស្លៀកនូវឈុតសម្លៀកបំពាក់ប្រពៃណីខ្មែរបែបកូនកំលោះកូនក្រមុំនៅទីតាំងប្រាសាទអង្គរវត្តខេត្តសៀមរាប។

ជាមួយនឹងការតុបតែងជាមួយនឹងឈុតប្រពៃណីខ្មែរនេះ គេឃើញមានអ្នកគាំទ្រខ្មែរជាច្រើនរំភើបចិត្តព្រោះវាបានបង្ហាញឱ្យឃើញពីសម្បត្តិមរតកខ្មែរ ជាពិសេសគឺទីតាំងប្រាសាទអង្គរវត្តដែលជាដួងព្រលឹង និង បេះដូងរបស់ប្រជាជនកម្ពុជា។

ក្នុងនោះ បើគយគន់សម្រស់របស់តារាប្រុស Paing និង ស្រីស្រស់ស៊ីនយូប៊ីន វិញក៏រឹតតែធ្វើឱ្យមហាជនសរសើរព្រោះថា មួយឈុតបែបប្រពៃណីនេះពិតជាស័ក្តិសម និង ស្រស់ស្អាតខ្លាំង រួមផ្សំនឹងថតលើទឹកដីបុរាណទៀតរឹតតែធ្វើឱ្យអ្នកគាំទ្រសប្បាយចិត្ត។ គួរបញ្ជាក់ផងថា រូបភាព និង វីដេអូទាំងអស់នេះគ្រាន់តែជាការថតកុនតែប៉ុណ្ណោះ ៕