អស់ទាស់! តាមពិតលោក Nawat មេធំ Miss Grand ក៏ជាហ្វេន វណ្ណដា ដែរ ផុសបទ «នារីជឿនលឿន» ក្នុង Story IG ផ្អើលទាំងព្រឹក

ដូចមហាជនបានជ្រាបមកហើយថា តារាចម្រៀងរ៉េបវ័យក្មេងរបស់ផលិតកម្មបារមី លោក វណ្ណដា មិនត្រឹមតែទទួលបានប្រជាប្រិយនៅក្នុងប្រទេសកម្ពុជានោះទេ ពោលគឺតារាចម្រៀងរ៉េបរូបនេះ ក៏មានកេរ្តិ៍ឈ្មោះល្បីសុះសាយនៅក្រៅប្រទេសខ្លាំងណាស់ដែរ។

រាល់គ្រប់ Album និង បទចម្រៀងរបស់តារាចម្រៀងរ៉េប វណ្ណដា ស្ទើរតែគ្រប់បទត្រូវបានមហាជនយុវវ័យពេញនិយមស្តាប់ថែមទៀតផង។ លើសពីនោះ ថ្មីៗនេះ វណ្ណដា ក៏ទើបតែបានសហការផលិតចម្រៀងជាមួយនឹងតារាចម្រៀងរ៉េបក្រៅប្រទេស មួយចំនួនផងដែរ។ ក្នុងនោះ បទចម្រៀង «នារីជឿនលឿន» ក៏បានបង្ហោះនៅលើផេករបស់បុគ្គល និង តារាល្បីៗជាច្រើនរបស់ប្រទេសថៃថែមទៀតផង។

ជាក់ស្តែងនៅថ្ងៃទី ០៣ ខែវិច្ឆិកា ឆ្នាំ ២០២២ នេះ មហាជនអ្នកគាំទ្រទាំងក្នុង និង ក្រៅប្រទេសកំពុងផ្ទុះការចាប់អារម្មណ៍យ៉ាងខ្លាំង ក្រោយពីបទចម្រៀង «នារីជឿនលឿន» បានបង្ហោះលើ Story របស់ CEO MGI លោក Nawat ដែលជារឿងកម្របំផុត ក៏ព្រោះ លោក Nawat មិនសូវបង្ហោះបទចម្រៀងរបស់តារាណាលើបណ្តាញសង្គមគាត់ឡើយ៕