អស្ចារ្យណាស់! ឆន្ទៈដ៏មោះមុតរបស់កីឡាការិនី ប៊ូ សំណាង ល្បីដល់សារព័ត៌មានបរទេសជាច្រើនលើពិភពលោក

នៅថ្ងៃទី ២៥ ខែឧសភា ឆ្នាំ ២០២៣ ម្សិលមិញនេះ មហាជនអ្នកប្រើប្រាស់បណ្ដាញសង្គម បាននាំគ្នាចែករំលែកបន្តគ្នាយ៉ាងផុសផុល នូវសារព័ត៌មានបរទេសដ៏ល្បី The New York Times ដែលបានផ្សព្វផ្សាយអំពីកីឡាការិនី ប៊ូ សំណាង ដែលជាអត្តពលិក រត់ចម្ងាយ ៥០០០ ម៉ែត្រ ក្រោមដំណក់ទឹកភ្លៀង ក្នុងព្រឹត្តិការណ៍កីឡាស៊ីហ្គេមលើកទី ៣២ ខណៈសកម្មភាពនៃការតស៊ូរត់ក្រោមដំណក់ទឹកភ្លៀងទាល់តែដល់ទីនេះ បានយកឈ្នះអស់បេះដូងប្រជាជាតិកម្ពុជា ទទួលបានការស្ញប់ស្ញែងស្ងើចសរសើរមិនដាច់ពីមាត់។

យ៉ាងណាមិញ ក្រៅពីការចុះផ្សាយពីខាង The New York Times កន្លងមក កីឡាការិនី ប៊ូ សំណាង ក៏ធ្លាប់បានសារព័ត៌មានបរទេសល្បីៗជាច្រើន បាននាំគ្នាចុះផ្សាយជាបន្តបន្ទាប់ផងដែរ ដែលមានដូចជា ៖

– CNN ~ អាមេរិក The Cable News Network

– CNA ~ សិង្ហបុរី Channel News Asia

– Time ~ អាមេរិក

– ESPN Asia ~ អាមេរិក – អាស៊ី

– DW News ~ អាល្លឺម៉ង់

– The Guardian ~ អាមេរិក

– Independent ~ អង់គ្លេស

– NPR ~ អាមេរិក National Public Radio

– South China Morning Post ~ ចិន

– The Olympic Games ~ អូឡាំពិក

រូបភាព ៖ រដ្ឋបាលខណ្ឌជ្រោយចង្វារ