រដ្ឋាភិបាល សម្រេចបង្កើតក្រុងថ្មី ២ នៅខេត្តកណ្ដាល គឺក្រុងអរិយក្សត្រ និង ក្រុងសំពៅពូន

តាមរយៈអនុក្រឹត្យចំនួន ២ ចុះថ្ងៃទី ២៣ ខែធ្នូ ឆ្នាំ ២០២២ រាជរដ្ឋាភិបាលកម្ពុជា បានសម្រេចបង្កើតក្រុងថ្មីចំនួន ២ ក្នុងភូមិសាស្ត្រខេត្តកណ្ដាល។

ក្នុងនោះ ក្រុងទាំង ២ ដែលត្រូវបានបង្កើតមានដូចជា ៖

១. ក្រុងអរិយក្សត្រ

រាជរដ្ឋាភិបាល បានសម្រេចបង្កើតក្រុងអរិយក្សត្រ នៃខេត្តកណ្ដាល ដោយកាត់យកឃុំចំនួន ៦ ពីស្រុកខ្សាច់កណ្ដាល គឺឃុំបាក់ដាវ ឃុំកោះឧកញ៉ាតី ឃុំព្រែកអំពិល ឃុំព្រែកលួង ឃុំព្រែកតាកូវ និង ឃុំស្រាវជ្រំ និង ឃុំចំនួន ៥ ពីស្រុកល្វាឯម គឺឃុំអរិយក្សត្រ ឃុំសារិកាកែវ សង្កាត់ពាមឧកញ៉ាអុង សង្កាត់ព្រែកក្មេង និង សង្កាត់បារុង។

២. ក្រុងសំពៅពូន

រាជរដ្ឋាភិបាល បានសម្រេចបង្កើតក្រុងសំពៅពូននៃខេត្តកណ្ដាល ដោយកាត់យកឃុំចំនួន ៥ ពីស្រុកកោះធំ គឺឃុំឈើខ្មៅ ឃុំព្រែកជ្រៃ ឃុំព្រែកស្ដី ឃុំជ្រោយតាកែវ និង ឃុំសំពៅពូន ខណៈទីតាំងរដ្ឋបាល ក្រុងសំពោះពូន គឺស្ថិតនៅក្នុងសង្កាត់សំពៅពូន៕

សូមអានសេចក្ដីលម្អិតនៅខាងក្រោម ៖