(វីដេអូ) សឹងស្រក់ទឹកភ្នែក! ផុល រតនៈ ដាក់ទង់ជាតិកម្ពុជាចុះ រួចលត់ជង្គង់សំពះ ៣ ដង ក្រោយឈ្នះបាល់ទះថៃ

នៅយប់ថ្ងៃទី ៧ ខែឧសភា ឆ្នាំ ២០២៣ ក្រុមបាល់ទះជម្រើសជាតិកម្ពុជា ធ្វើឱ្យប្រជាពលខ្មែរទាំងមូលមានមោទកភាពចំពោះពួកគេជាខ្លាំង ក្រោយយកឈ្នះលើក្រុមជម្រើសជាតិថៃ ក្នុងលទ្ធផលដ៏ប្រកៀតប្រកិត ៣-២ សិត នៅក្នុងព្រឹត្តិការណ៍កីឡាស៊ីហ្គេមលើកទី ៣២ ឆ្នាំ ២០២៣ នាបរិវេណពហុកីឡដ្ឋានជាតិអូឡាំពិក។

រឿងដែលមហាជននៅរំភើបមិនទាន់បាត់ ក្រោយពីទទួលជ័យជម្នះឆ្ពោះទៅរកការប្រកួតផ្ដាច់ព្រ័ត្រហើយនោះ កីឡាករបាល់ទះជម្រើសជាតិកម្ពុជា ផុល រតនៈ បានកាន់ទង់ជាតិប្រទេសកម្ពុជាយើង រត់បង្ហាញអ្នកគាំទ្រថា ពួកគេធ្វើបានហើយ ជាមួយអារម្មណ៍រំភើបត្រេកអរជាទីបំផុត។

កីឡាករបាល់ទះពាក់អាវលេខ ១៦ រូបនេះ ក៏បានដាក់ទង់ជាតិកម្ពុជាចុះ ហើយក្រាបសំពះក្នុងទីលាន បង្ហាញពីក្ដីគោរព និង ការអរគុណចំពោះទស្សនិកជន ដែលបានស្រែកហ៊ោផ្ដល់កម្លាំងចិត្តដល់ក្រុមបាល់ទះកម្ពុជា ធ្វើឱ្យពួកគេកាន់តែមានទឹកចិត្តខ្ពស់ក្នុងការឆ្ពោះទៅរកការដណ្ដើមមេដាយមាសនៅយប់ថ្ងៃទី ៨ ខែឧសភា ឆ្នាំ ២០២៣ នេះ។ សូមចុចទីនេះ ដើម្បីទស្សនាវីដេអូ ៖