អុញ! នៅជិត Paing យូរៗ ជា សុវណ្ណនរាហ៍ ចង់ស្រឡាញ់ប្រុសដូចគ្នាវិញ ព្រោះឃើញស្អាតជាងស្រី

បច្ចុប្បន្ននេះ កំលោះសង្ហាជនជាតិមីយ៉ាន់ម៉ា Paing Takhon កំពុងស្ថិតនៅទឹកដីប្រទេសកម្ពុជា ដើម្បីថតរឿង «ប្រុសលក់ខ្លួន» ដែលសម្ដែងជាមួយកំពូលតារាប្រុស ខាត់ វ៉ៃហាំង និង មានកញ្ញា ពេជ្រ វត្តីសារ៉ាវឌ្ឍី ម្ចាស់មកុដ Miss Grand Cambodia 2022 ជាតួឯក។

រឿងដែលគួរឱ្យសរសើរ Paing Takhon ធ្វើខ្លួនសាមញ្ញៗ ឆាប់ចុះសម្រុងជាមួយក្រុមការងារ ក៏ដូចជាសិល្បកររបស់កម្ពុជាយើងណាស់ ជាពិសេសរូបរាងខ្ពស់ស្រឡះ មុខមាត់ដ៏សង្ហារបស់ Paing បានឆក់បេះដូងអ្នកគាំទ្រនៅកម្ពុជាស្ទើរអស់មួយចំហៀងប្រទេសទៅហើយ។

កុំថាឡើយតែអ្នកគាំទ្រដែលជាសុភាពនារី សូម្បីតារាសម្ដែងប្រុស ជា សុវណ្ណនរាហ៍ ក៏ធ្លោយមាត់និយាយចង់ដូរមកស្រឡាញ់មនុស្សប្រុសដូចគ្នាវិញ ព្រោះថា Paing ស្អាតខ្លាំងពេក។

តារាសម្ដែង ជា សុវណ្ណនរាហ៍ បានបង្ហោះរូបថតមួយអ្នកកំលោះមីយ៉ាន់ម៉ារូបនេះ ហើយបង្ហោះនៅលើហ្វេសប៊ុកដោយដាក់ Caption បែបលេងសើចថា ៖ «នៅជិតគាត់យូរៗខ្ញុំដូចចង់ស្រឡាញ់ប្រុសដូចគ្នាវិញម៉េចទេ បើស្អាតជាងស្រីទៀតនិយាយមែន តួឯកប្រុស #RENT BOY Paing Takhon»៕