ASUS បង្ហាញនូវកុំព្យូទ័រ TUF Gaming A14 មានរូបរាងស្តើង និង មានបំពាក់នូវ AI Gaming មុនគេបំផុតនៅក្នុងប្រទេសកម្ពុជា

ភ្នំពេញ ថ្ងៃទី ២១ ខែវិច្ឆិកា ឆ្នាំ ២០២៤ ៖ ASUS បានណែនាំជាផ្លូវការនូវម៉ូដែល TUF Gaming A14 (2024) – កុំព្យូទ័រស្ដើង ទំហំ 14 អ៊ីង ដែលជា AI Gaming Laptop ក្នុងប្រទេសកម្ពុជា ភ្ជាប់ជាមួយនឹង បច្ចេកវិទ្យា AMD Ryzen AI 9 HX 370 និង NVIDIA GeForce RTX 4060 GPU កម្លាំង 100W TGP នៅក្នុងតួរខ្លួន 14 អ៊ីង នៃ TUF Gaming ដែលអាចបញ្ចេញនូវកម្លាំងខ្លាំងតាមទៅនឹងតម្រូវការរបស់អ្នក។

កម្លាំងម៉ាស៊ីនខ្លាំងក្លាកម្រិតខ្ពស់បំផុត

ASUS TUF Gaming A14 (2024) គឺជាកុំព្យូទ័រលេងហ្គេម AI ដំបូងបំផុតនៅក្នុងប្រទេសកម្ពុជា ដែលបំពាក់នូវបន្ទះឈីប AMD Strix Point AMD Ryzen AI 9 HX 370 processor ជំនាន់ចុងក្រោយបំផុត ហើយនឹងមានអមជាមួយនឹងក្រាហ្វិកកាត NVIDIA GeForce RTX 4060 8GB GPU ដែលមាន TGP ដល់ទៅ 100W ធ្វើឱ្យកម្លាំងម៉ាស៊ីនរបស់កុំព្យូទ័រនេះខ្លាំងក្លា អាចប្រើប្រាស់បានទាំងការធ្វើការងារ និង ការកម្សាន្ត បានថែមទៀតផង។

ដើម្បីបង្កើនទៅលើកម្លាំងនៃផ្នែក hardware របស់កុំព្យូទ័រនេះ កុំព្យូទ័រថ្មីនេះ មានបំពាក់នូវប្រព័ន្ធត្រជាក់ cooling system ដែលមានកង្ហារ 2x 89-blade Arc Flow fans ដែលផ្តល់នូវរំហូរខ្យល់បានយ៉ាងល្អបំផុត។ កុំព្យូទ័រនេះ ក៏មានរ៉េមទំហំ 32GB LPDDR5x RAM ជាមួយនឹងល្បឿន 7500 MT/s និង 1TB high-speed SSD ដែលផ្តល់នូវល្បឿនលឿនក្នុងការធ្វើការងារ multitasking និង ការផ្ទុកទិន្នន័យថែមទៀត។ កុំព្យូទ័រ ASUS TUF Gaming A14 (2024) នេះ គឺជាកុំព្យូទ័រលេងហ្គេមទំហំ 14-អ៊ីង ដែលមានរន្ធ 2x M.2 PCIe 4.0 x4 slots ដែលផ្តល់ឱ្យលោកអ្នកអាចផ្ទុកទិន្នន័យបានច្រើនតាមចិត្តរបស់អ្នក។

មិនត្រឹមតែការផ្តោតទៅលើសមត្ថភាពដ៏ខ្លាំងក្លារបស់វានោះទេ កុំព្យូទ័រ ASUS TUF Gaming A14 (2024) នេះ ក៏ផ្តល់នូវលក្ខណៈសម្បត្តិខ្លាំងក្លា និង បទពិសោធនៃការប្រើប្រាស់យ៉ាងប្រណីតបំផុតផងដែរ។ កុំព្យូទ័រនេះ មានអេក្រង់កម្រិត 2.5K resolution គាំទ្រជាមួយនឹងកម្រិត 100% sRGB color coverage, ultra-fast 165Hz refresh rate, G-SYNC, NVIDIA Advanced Optimus និង MUX Switch ដែលផ្តល់នូវបទពិសោធនៃការទស្សនាយ៉ាងអស្ចារ្យបំផុត។ បន្ថែមពីនេះទៀតនោះ កុំព្យូទ័រលេងហ្គេម AI ថ្មីរបស់ក្រុមហ៊ុន ASUS នេះ ក៏មានបំពាក់នូវកាមេរ៉ា IR facial recognition ថាមពលថ្ម 73Wh ដែលអាចប្រើប្រាស់បានដល់ទៅ 19 ម៉ោង និង 100W Power Delivery charging តាមរយៈ USB 4.0 Port ថែមទៀត។

កុំព្យូទ័រអេក្រង់ 14-អ៊ីង ដំបូងបំផុតរបស់កុំព្យូទ័រ TUF Gaming series

កុំព្យូទ័រ ASUS TUF Gaming A14 (2024) នេះ មានទម្ងន់ស្រាល ធន់ក្នុងការប្រើប្រាស់ និង កម្លាំងម៉ាស៊ីនខ្លាំងក្លាបំផុត។ ជាមួយនឹងទម្ងន់ 1.46 kg និង កម្រាស់ 1.69 cm នោះ កុំព្យូទ័រនេះ មានទម្ងន់ស្រាល និង ស្តើងនៅក្នុងត្រកូលកុំព្យូទ័រ AI gaming laptop នៅក្នុងប្រទេសកម្ពុជា។ កុំព្យូទ័រនេះ មានការឌីស្សាញដែលជំរុញចេញពី Mecha ដែលមានការប្រើប្រាស់នូវពណ៌ Jaeger Gray ដែលកុំព្យូទ័រនេះអាចប្រើប្រាស់បាននៅគ្រប់ស្ថានភាពប្រើប្រាស់ថែមទៀត។

សម្រាប់កេរ្តិ៍ឈ្មោះ នៃកុំព្យូទ័រត្រកូល TUF Gaming Series នេះ គឺផ្តោតទៅលើភាពធន់របស់វា ដែលកុំព្យូទ័រនេះ ទទួលបាននូវស្តង់ដារ MIL-STD-810H military-grade ដែលធានាថាកុំព្យូទ័រនេះ ធន់បំផុតក្នុងការប្រើប្រាស់។ បន្ថែមពីនេះទៀតនោះ កុំព្យូទ័រនេះ ក៏មានបំពាក់នូវ glass-covered touchpad ជាមួយនឹង keyboard ធំជាមួយនឹងគម្លាត 1.7mm key travel និង monochrome white backlight ដែលផ្តល់នូវពន្លឺភ្លឺខ្លាំងជាងមុនផងដែរ។

បច្ចេកវិទ្យា AI Accelerationដ៏ឆ្លាតវៃ

ASUS TUF Gaming A14 (2024) តំណាងឱ្យកុំព្យូទ័រ gaming laptops បំពាក់នូវបច្ចេកវិទ្យា AI ជំនាន់ថ្មីដ៏ខ្លាំងក្លាដែលមាន AI processors ចំនួន 3 ក្នុងនោះ មាន CPU + iGPU ជាមួយនឹង 31 TOPS, NPU ជាមួយនឹង 50 TOPS និង discrete GPU ដ៏ខ្លាំងក្លាដែលមានកម្លាំង 233 TOPS ។សម្រាប់ AMD Ryzen AI នេះអាចបំពេញនូវស្តង់ដារ Copilot+PCs ជាមួយនឹង NPU របស់វាដែលលើសពី 40 TOPS threshold ។ ជាមួយនិបច្ចេកវិទ្យានេះ ក៏អនុញ្ញាតឱ្យកុំព្យូទ័រនេះ អាចដំណើរការនូវ virtual assistants ដូចជា Copilot+ និង ការប្រើប្រាស់នូវមុខងារជាច្រើនទៀតប្រកបដោយប្រសិទ្ធភាពខ្ពស់ជាងមុនដូចជាការគ្រប់គ្រងទៅលើឯកសារ ការសង្ខេបអត្ថបទ និង ការគ្រប់គ្រងទៅលើអ៊ីម៉ែលតាមរយៈការអាប់ដេត Windows 11 24H2 ថែមទៀត។

បន្ថែមពីនេះទៀតនោះ សម្រាប់ក្រាហ្វិកកាត NVIDIA GeForce RTX 4060 GPU នៅលើកុំព្យូទ័រ ASUS TUF Gaming A14 (2024) នេះក៏អាចដំណើរការនូវល្បឿន AI កាន់តែអស្ចារ្យជាងមុនជាមួយនឹងល្បឿនដល់ទៅ 233 TOPS ដែលអនុញ្ញាតឱ្យកុំព្យូទ័រនេះ អាចគ្រប់គ្រងទៅលើការងារ AI ជាច្រើនជាមួយនឹងការគណនាពេលវេលាខ្លីជាងមុន។ កុំព្យូទ័រនេះ អាចបង្កើនល្បឿននៅក្នុងការលេងហ្គេម ការប្រើប្រាស់នូវ AI ក្នុងការបង្កើតនូវរូបភាពដ៏អស្ចារ្យបានលឿន និង បទពិសោធថ្មីននៃការលេងហ្គេមយ៉ាងរលូន។

កាលបរិច្ឆេទនៃការលក់ និង តម្លៃ

កុំព្យូទ័រស្តើង និង ស្រាលបំផុតទំហំ 14-inch AI gaming laptop នៅក្នុងប្រទេសកម្ពុជានោះគឺ ASUS TUF Gaming A14 ចាប់ផ្តើមដាក់លក់ជាផ្លូវការនៅថ្ងៃទី ២១ ខែវិច្ឆិកា ឆ្នាំ ២០២៤ នេះ។ តម្លៃផ្លូវការរបស់កុំព្យូទ័រនេះគឺ $1,499 សម្រាប់បន្ទះឈីប AMD Ryzen AI 9 HX 370, NVIDIA® GeForce RTX 4060, 32GB RAM, 1TB storage និង ថាមពលថ្ម 73Wh ជាមួយនឹងពណ៌ Jaeger Grey ដ៏ស្រស់ស្អាត។

—

ASUS គឺជាក្រុមហ៊ុនឈានមុខផ្នែកបច្ចេកវិទ្យាសកលដែលផ្តល់នូវផលិតផល ធាតុផ្សំ និង ដំណោះស្រាយប្រកបដោយភាពច្នៃប្រឌិតបំផុតរបស់ពិភពលោក ដើម្បីផ្តល់នូវបទពិសោធមិនគួរឱ្យជឿ ដែលលើកកម្ពស់ជីវិតរបស់មនុស្សនៅគ្រប់ទីកន្លែងកាន់តែប្រសើរ។ ជាមួយនឹងក្រុមអ្នកជំនាញ R&D ចំនួន 5,000 នាក់ ក្រុមហ៊ុននេះមានភាពល្បីល្បាញលើពិភពលោកសម្រាប់ការបន្តអភិវឌ្ឍទៅលើបច្ចេកវិទ្យាថ្មីកាន់តែប្រសើរឡើងសម្រាប់បំពេញនូវតម្រូវការនាពេលបច្ចុប្បន្ននេះ។

នៅក្នុងការជាប់ចំណាត់ថ្នាក់ជាក្រុមហ៊ុនមួយក្នុងចំណោមក្រុមហ៊ុនដែលទទួលបានការកោតសរសើរបំផុតរបស់ Fortune ក្រុមហ៊ុន ASUS ក៏ប្តេជ្ញាចិត្តក្នុងការទ្រទ្រង់អនាគតដ៏មិនគួរឲ្យជឿផងដែរ។ គោលដៅរបស់ក្រុមហ៊ុនគឺដើម្បីបង្កើតសហគ្រាស Net Zero Enterprise ដែលជួយជំរុញការផ្លាស់ប្តូរឆ្ពោះទៅរកសេដ្ឋកិច្ចរាងជារង្វង់ (Circular Economy) ដោយមានខ្សែសង្វាក់ផ្គត់ផ្គង់ប្រកបដោយការទទួលខុសត្រូវបង្កើតតម្លៃរួមសម្រាប់យើងទាំងអស់គ្នា៕