(វីដេអូ) បរាជ័យនៅកម្មវិធី X-Factor តែ នូ សុវណ្ណដាណេ ពង្រឹងសមត្ថភាពចូលប្រឡង The Voice ឆក់បាន ៤ ប៊ូតុងពីគណៈកម្មការ

នៅរាត្រីថ្ងៃទី ២៥ ខែមិថុនា ឆ្នាំ ២០២៣ កន្លងទៅនេះ កម្មវិធី The Voice Cambodia រដូវកាលទី ៤ បានឈានដល់វគ្គ Blind Audition សប្តាហ៍ទី ៤ ដែលមហាជនអ្នកទស្សនាជាច្រើន ក៏បានឃើញពីសមត្ថភាពរបស់បេក្ខជន បេក្ខនារីជាច្រើន ដោយខ្លះទទួលបានការជ្រើសរើសចុចប៊ូតុងពីគណៈកម្មការ និង ខ្លះទៀតក៏មិនទទួលបានជោគជ័យ។

ក្នុងវគ្គ Blind Auditions សប្ដាហ៍ទី ៤ នេះដែរ មហាជនអ្នកគាំទ្រក៏កំពុងចាប់អារម្មណ៍ខ្លាំង ក្រោយពីឃើញការបង្ហាញសមត្ថភាពរបស់បេក្ខភាពឈ្មោះ នូ សុវណ្ណដាណេ បានបកស្រាយចម្រៀង «បងពីមុនឆ្កួតបាត់ហើយ» ពីរោះខ្លាំង ទាក់ចិត្តគណៈកម្មការទាំង ៤ ចុចប៊ូតុងដណ្ដើមយកធ្វើការកូនក្រុមរបស់ខ្លួន។ ក្នុងនោះលោក នូ សុវណ្ណដាណេ បានពេញចិត្តជ្រើសរើសចូលទៅជាកូនក្រុមរបស់ Coach លោក ណុប ប៉ាយារិទ្ធ។

យ៉ាងណាមិញ បេក្ខភាព នូ សុវណ្ណដាណេ ត្រូវបានគេស្គាល់ថាជាអតីតបេក្ខភាព X-Factor Cambodia កាលពីអំឡុងឆ្នាំ ២០២០ កន្លងទៅដែលមិនទទួលបានជោគជ័យមែន តែប៉ុន្មានឆ្នាំមកនេះរូបលោកបានពង្រឹងសមត្ថភាពបន្ថែម និង សម្រេចចិត្តចូលប្រឡងម្ដងទៀតក្នុងកម្មវិធី The Voice Cambodia រដូវកាលទី ៣ នេះ ពិតជាធ្វើឱ្យគណៈកម្មការ ក៏ដូចមហាជនភ្ញាក់ផ្អើល ព្រមទាំងសរសើរមែនទែនចំពោះសមត្ថភាពរបស់លោក៕

សូមទស្សនាវីដេអូខាងក្រោម៖