ចាំតួកូនប្រុសទិនហ្វី ក្នុងរឿង «CJ7» ទេ? ឥឡូវក្រមុំស្តូក ស្រស់ស្អាតខ្លាំងណាស់
ប្រិយមិត្តដែលធ្លាប់បានទស្សនាខ្សែភាពយន្តកំប្លែងបែបវិទ្យាសាស្ត្រ «CJ7» ដែលចាក់បញ្ចាំងក្នុងឆ្នាំ ២០០៨ នោះ ប្រាកដណាស់ជាស្គាល់តួអង្គ Dicky ហើយ ដែលជាក្មេងប្រុសតូច កូនប្រុសរបស់តារាសម្ដែង Stephen Chow និងជាក្មេងម្នាក់រាប់អានស្គាល់គ្នាជាមួយនឹងសត្វចម្លែកដ៏គួរឱ្យស្រឡាញ់នោះ។
អំឡុងសម្ដែងជាតួអង្គ Dicky ក្នុងខ្សែភាពយន្តដ៏មានប្រជាប្រិយភាពមួយនោះ តារាសម្ដែង Xu Jiao គឺមានវ័យត្រឹម ១០ ឆ្នាំប៉ុណ្ណោះ ដោយនោះក៏ជាការសម្ដែងរបស់នាងជាលើកដំបូងផងដែរ ប៉ុន្តែអាចធ្វើឱ្យនាងផ្ទុះប្រជាប្រិយភាព និង មានមហាជនស្គាល់រហូតដល់សព្វថ្ងៃនេះ។
គិតមកទល់ពេលនេះ Xu Jiao មានវ័យ ២៥ ឆ្នាំទៅហើយ ដោយរូបនាងកំពុងបន្តការសិក្សានៅឯសាលា Art Center College of Design នារដ្ឋ California សហរដ្ឋអាមេរិក។ ដោយឡែក បើក្រឡេកទៅមើលរូបសម្រស់របស់នាងវិញ ក្រោយចម្រើនវ័យធំពេញរូបពេញរាង Xu Jiao ធ្វើឱ្យមហាជនអ្នកគាំទ្រ បើកភ្នែកធំៗ ចំហមាត់គ្រប់គ្នា ដោយការភ្លឹកភ្លាំងនឹងរូបសម្ផស្សដ៏ស្រស់សោភា មុខមាត់ពោរពេញដោយមន្តស្នេហ៍របស់នាង៕
