ទីបំផុត ផេកខេក ក្លាយជាបេក្ខភាព Miss Queen Cambodia 2025 ផ្លូវការ តំណាងឱ្យខេត្តដ៏មានសក្ដានុពលនេះ
កន្លងមកមហាជននិយមតាមដានជីវិតការងារសិល្បៈរបស់តារាភេទទី ៣ កញ្ញា ផេកខេក ច្បាស់ជាបានជ្រាបហើយថា ស្របគ្នាកំពុងជាពិធីការិនីមានប្រជាប្រិយភាព នាងក៏មានក្តីស្រមៃចង់ក្លាយទៅជាបវរកញ្ញាផងដែរ។
យ៉ាងណាមិញ ក្រោយមានក្តីស្រមៃជាយូរមកហើយនោះ ទីបំផុត ផេកខេក បានបោះជំហានឈានជើងចូលការប្រកួតបវរកញ្ញាហើយ ដោយនាងបានក្លាយទៅជាបេក្ខភាពផ្លូវការតំណាងឱ្យខេត្តព្រះសីហនុ ក្នុងកម្មវិធី Miss Queen Cambodia 2025។
ក្នុងដំណើរនៃការប្រកួត Miss Queen Cambodia 2025 និង ជាបវរកញ្ញាតំណាងខេត្តព្រះសីហនុនេះដែរ ផេនខេក ត្រូវបានអ្នកគាំទ្រចូលរួមជូនពរ និង សង្ឃឹមថានាងអាចសម្រេចបាននូវក្តីស្រមៃមួយនេះ ក៏ព្រោះតែសមត្ថភាពលើវិថីសិល្បៈ និង កម្ពស់ស្តង់ដា ដោយ ផេកខេក មានកម្ពស់ 1.78 ម៉ែត្រ៕
