ទីបំផុត Alex Rendell សង្សារចាស់ Toey ព្រមបង្ហាញមុខគូស្នេហ៍ថ្មីហើយ សម្រស់មិនធម្មតា
នៅថ្ងៃទី ១៤ កុម្ភៈ ឆ្នាំ ២០២៣ នេះ គេសង្កេតឃើញមានគូស្នេហ៍តារាថៃជាច្រើនបានចេញមកបង្ហោះរូបភាពជាមួយគូសង្សាររបស់ខ្លួនដោយទឹកមុខញញឹមរីករាយពោរពេញដោយក្តីសុខ រួមនឹងបាច់ផ្កា កាដូផ្សេងៗជាច្រើន ព្រោះថាថ្ងៃនេះជាទិវានៃក្តីស្រឡាញ់ ដែលម្នាក់ៗអាចបង្ហាញពីទំហំក្តីស្នេហ៍របស់ខ្លួនទៅកាន់គូស្នេហ៍។
ទន្ទឹមនឹងនោះ ក៏មានតារាប្រុសស្រីខ្លះបានចេញមកបើកបង្ហាញមុខគូស្នេហ៍របស់ខ្លួនឱ្យមហាជនបានដឹងជាសាធារណៈដែរ។ ជាក់ស្តែង តារាសម្ដែងប្រុស Alex Redell ដែលជាសង្សារចាស់របស់ស្រីស្រស់ Toey Jarinporn បានចេញមកបង្ហាញមុខសង្សាររបស់ខ្លួនឱ្យមហាជនបានដឹងហើយ ដោយនារីរូបនោះមានឈ្មោះថា Jenny ។
ក្រោយពីបើកបង្ហាញមុខសង្សារថ្មីភ្លាម គេឃើញថាមានមហាជនប្រុសស្រីជាច្រើនចូលទៅបញ្ចេញមតិអបអរសាទរចំពោះអ្នកកំលោះ Alex ដែលបានរកឃើញអ្នកស្អំបេះដូងថ្មីក្រោយពីចែកផ្លូវគ្នាជាមួយនឹង Toey Jarinporn អស់ជាច្រើនឆ្នាំ។ លើសពីនោះ សូម្បីតែអតីតសង្សាររបស់លោក កញ្ញា Toey Jarinporn ក៏បានចូលទៅសម្ដែងការអបអរដែរ ដោយភ្ជាប់ជាមួយនឹងស្ទីកគ័ររូបបេះដូងទៀតផង៕
