ថ្មីចែស! កូនស្រីខ្លួនឯងឆាតទិញខោក្នុងពី Tao Bao ស្រាប់តែស្លៀកហើយមានផ្ទៃពោះ ម្ដាយខឹងឆាតទៅស្ដីឱ្យអ្នកលក់មួយអស់ដៃ

រឿងរ៉ាវមួយកំពុងតែធ្វើឱ្យផ្ទុះការហួសចិត្តយ៉ាងខ្លាំងនៅតាមបណ្តាញសង្គមក្នុងប្រទេសចិន ដោយមានស្រ្តីម្នាក់បានចោទអ្នកលក់ខោក្នុងថា កូនខ្លួនដែលមិនទាន់មានប្តី នៅសុខៗពពោះ ដោយសារតែខោក្នុងដែលនាងបានទិញមកស្លៀក។

តាមព័ត៌មានបានឱ្យដឹងថា មានស្រ្តីម្នាក់បានឆាតទៅស្តីបន្ទោសបុគ្គលិកអ្នកលក់ក្នុង​ App Tao Bao ថា កូនស្រីរបស់ខ្លួនបានពពោះ ក្រោយពីបានទិញខោក្នុងពីទីនេះទៅ។ ក្នុងនោះ បុគ្គលិកលក់បានព្យាយាមពន្យល់ថា ខោក្នុងមិនអាចធ្វើឱ្យមនុស្សពពោះបាននោះទេ ប៉ុន្តែស្រ្តីរូបនេះនៅតែចចេសស្តីថាឱ្យបុគ្គលិកលក់នោះទៀត។ ដោយមិនអស់ចិត្ត បុគ្គលិកលក់បានរៀបរាប់ប្រាប់ទៀតថា បុគ្គលិកនៅហាងរបស់ខ្លួនសុទ្ធតែជាមនុស្សស្រីវ័យចំណាស់ រីឯចៅហ្វាយជាមនុស្សប្រុសពិតមែន តែគាត់ក្រៀវរួចទៅហើយ ដូច្នេះវាគ្មានផ្លូវនោះទេដែលខោក្នុងអាចធ្វើកូនស្រីរបស់អ្នកស្រីពពោះបាន។​

យ៉ាងណាមិញ បើទោះជាបុគ្គលិកខំបកស្រាយយ៉ាងណា ក៏ស្រ្តីរូបនេះនៅតែមិនជឿដល់ថ្នាក់យកកូនទៅមន្ទីរពេទ្យ ដើម្បីសួរពេទ្យទាក់ទងនឹងរឿងនេះ រហូតដល់ពេទ្យបញ្ជាក់ថាខោក្នុងមិនអាចធ្វើមនុស្សពពោះបានទេ ទើបស្រ្តីរូបនេះដាច់ចិត្តព្រមជឿ។ ដោយឡែក រឿងរ៉ាវមួយនេះបាននាំឱ្យមហាជនជាច្រើនបានគ្នាគិតថា កូនស្រីប្រហែលទៅជ្រុលខ្លួនជាមួយនរណាម្នាក់ រួចក៏ពពោះ តែមិនដឹងធ្វើយ៉ាងណាទើបបង្កើតរឿងនេះឡើងដើម្បីកុហកម្តាយ ឯមហាជនមួយចំនួនទៀតក៏បានបន្ទោសស្រ្តីជាម្តាយថែមទៀតថា ជាមនុស្សល្ងង់ ខ្លួន​ឯងជាស្រីដែរសោះ ម្តេចរឿងប៉ុណ្ណេះគិតមិនឃើញ៕

ប្រភព​៖ Sanook