អ្នកគាំទ្រភ្ញាក់ផ្អើល ក្រោយឃើញ Paing Takhon កាន់ដៃនារីម្នាក់ស្លៀកឈុតប្រពៃណី ដូចកូនកំលោះក្រមុំ

ថ្មីៗនេះ Pain Takhon បានធ្វើឱ្យអ្នកគាំទ្រមានការភ្ញាក់ផ្អើលជាខ្លាំង ក្រោយពីបង្ហោះរូបភាពតែងខ្លួនប្រពៃណីបែបជនជាតិមីយ៉ាន់ម៉ា បែបកូនកំលោះកូនក្រមុំយ៉ាងស្រស់ស្អាត ដែលនាំឱ្យមហាជនឃើញហើយផ្ទុះការសង្ស័យថា Paing កាន់ដៃគូស្នេហ៍ត្រៀមចូលរោងការ។

យ៉ាងណាមិញ បន្ទាប់ពីមានការសួរនាំច្រើនពីអ្នកគាំទ្រ គេក៏ឃើញមានសារព័ត៌មានក្នុងស្រុកបានទម្លាយថា រូបភាពដែលមហាជនឃើញនោះ គ្រាន់តែជាការថតម៉ូដសម្លៀកបំពាក់ប្រពៃណីប៉ុណ្ណោះ ពុំមែនជាការពិតដែលថាតារាសម្ដែងប្រុស Paing មានគូស្នេហ៍នោះឡើយ។

ទន្ទឹមនឹងដឹងពីការពិត គេក៏ឃើញមហាជនចូលទៅសរសើរពីសម្រស់តារាប្រុស Paing ច្រើនផងដែរថា ស្រស់សង្ហាមានមន្តស្នេហ៍ស័ក្តិសមជាសុភាពបុរសហើយ អ្នកគាំទ្រក៏រំពឹងថាឆាប់ៗខាងមុខអ្នកកំលោះ Paing នឹងអាចរកឃើញអ្នកស្អំបេះដូងផងដែរ៕