ផ្ទុះសរសើរ! សិប្បករមួយរូប នៅជិតចោមចៅ មានទឹកដៃចម្លាក់រស់រវើក សូនរូបព្រះពុទ្ធល្អល្អះណាស់

រូបសំណាកជាច្រើនរូប ច្រើនប្រភេទ ច្រើនទម្រង់ ត្រូវបានមហាជនខ្មែរអ្នកប្រើប្រាស់បណ្ដាញសង្គម នាំគ្នាបញ្ចេញមតិស្ងើចសរសើរមិនដាច់ពីមាត់ ដែលកើតចេញពីស្នាដៃ កំពូលសិប្បករសូនរូបមួយរូប ឈ្មោះ អន រ៉ាវី ប្រកបទៅដោយភាពរស់រវើកល្អល្អះក្រៃលែង។

ទន្ទឹមគ្នានេះ បើតាមគណនីមួយដែលមានឈ្មោះ មហា មង្គល បានណែនាំឱ្យប្រជាជនខ្មែរបានស្គាល់ កំពូលសិប្បករសូនរូប គឺលោក អន រ៉ាវី ដែលមានសមត្ថភាព ទេពកោសល្យ ទឹកដៃចម្លាក់សូនរូបសំណាក ក្បាច់ ចម្លាក់ ប្រាសាទ វិហារ គ្រប់ប្រភេទគ្រប់ទម្រង់ ដ៏ល្អឯករស់រវើកដូចរូបពិតៗ និង មានឧត្តមគតិលើកស្ទួយវប្បធម៌សិល្បៈខ្មែរ ដែលលោកមានអាសយដ្ឋាននៅជិតចោមចៅ រាជធានីភ្នំពេញ។

អាស្រ័យហេតុនេះសម្រាប់ប្រិយមិត្ត ដែលចង់បានជាងសូនរូបដែលមានសមត្ថភាពពិត ពិសេសសំណង់រូបសំណាកធំៗដែលលើកមុខមាត់វប្បធម៌ប្រទេសជាតិ គឺរកសិប្បករសូនរូបរូបនេះ ពិតជាមិនខុសបំណងនោះឡើង៕