(វីដេអូ) ត្រៀមចុងខែ! ក្រុម La Cima Cartel ធ្វើ Solo Concert មានសិល្បករជាតិ និង អន្តរជាតិចូលរួមច្រើនណាស់
ជាការពិតណាស់ បើទោះជាធ្លាប់បានបង្ហាញវត្តមានកក្រើកឆាកប្រគំតន្ត្រីជាច្រើនមកហើយក្តី តែក្រុមចម្រៀង La Cima Cartel នៅតែត្រូវបានមហាជនអ្នកគាំទ្រ ជាពិសេសយុវវ័យនិយមស្រឡាញ់វិស័យចម្រៀងរ៉េប នៅតែចង់ឃើញសមាជិកទាំង ៧ រូប នៅលើឆាកជានិច្ច។
ដោយឡែក កាលពីពេលថ្មីៗកន្លងទៅនេះ ក្រុមចម្រៀង La Cima Cartel បានបង្ហើបដំណឹងដ៏រីករាយសម្រាប់អ្នកគាំទ្រហើយ ដោយ La Cima Cartel នឹងរៀបចំ Solo Concert នៅថ្ងៃទី ៣០ ខែវិច្ឆិកា ឆ្នាំ ២០២៤ ខាងមុខនេះ ដោយមានឈ្មោះថា «La Cima Cartel x Grab: Next Level»។ ក្នុងនោះដែរ កាលពីថ្ងៃទី ០៦ ខែវិច្ឆិកា កន្លងទៅ ផេកផ្លូវការរបស់ La Cima Cartel បានប្រកាសជាផ្លូវការហើយថា Solo Concert នឹងរៀបចំនៅឯ Aeon Hall Sen Sok City។
ជាក់ស្តែង អ្វីដែលកាន់តែធ្វើឱ្យអ្នកគាំទ្រកាន់តែអន្ទះសាទៀតនោះ Solo Concert នេះ មិនត្រឹមតែបង្ហាញវត្តមានយ៉ាងពិសេសពី La Cima Cartel នោះទេ ប៉ុន្តែក៏មានការអញ្ជើញចូលរួមពីសិល្បករជាតិ និង អន្តរជាតិជាច្រើនរូបទៀតដែរ៕
សូមទស្សនា វីដេអូខាងក្រោម៖
