(វីដេអូ) សែនរំភើប! ធ្លាយទិដ្ឋភាពខ្លះៗក្នុងពិធីបើកព្រឹត្តិការណ៍អាស៊ានប៉ារ៉ាហ្គេម មានរូបប្រាសាទព្រះវិហារ និង កោះកេរ

ក្រោយពីព្រឹត្តិការណ៍ស៊ីហ្គេម លើកទី ៣២ បានបញ្ចប់ទៅដោយរលូន និង មានមោទកភាព ជាថ្មីម្ដងទៀតពេលនេះកម្ពុជា ក៏កំពុងតែត្រៀមខ្លួនសម្រាប់ពិធីបើកព្រឹត្តិការណ៍អាស៊ានប៉ារ៉ាហ្គេម លើកទី ១២ ដែលនឹងមកដល់នាពេលឆាប់ៗនេះដែរ។

ខណៈព្រឹត្តិការណ៍អាស៊ានប៉ារ៉ាហ្គេម លើកទី ១២ ជិតមកដល់ ថ្មីៗនេះអ្នកនិយមលេងបណ្ដាញសង្គម TikTok បានចាប់អារម្មណ៍ខ្លាំងចំពោះវីដេអូមួយ ដែលបានបង្ហាញពីទិដ្ឋភាពខ្លះៗដែលត្រៀមក្នុងថ្ងៃបើកនោះ ដោយគេឃើញមានផ្ទាំងទស្សនីយភាពប្រាសាទព្រះវិហារ និង កោះកេរនៅលើផ្ទាំង LED ក្នុងពហុកីឡដ្ឋានជាតិមរតកតេជោ ហើយវីដេអូនេះដែរត្រូវបានមនុស្សជាច្រើនចូលមើល និង បានបញ្ចេញមតិសរសើរ ព្រមទាំងបង្ហាញនូវអារម្មណ៍ត្រេកអរជាខ្លាំង។

គួរដឹងដែរថា ពិធីបើកព្រឹត្តិការណ៍អាស៊ានប៉ារ៉ាហ្គេម លើកទី ១២ នឹងធ្វើឡើងនៅថ្ងៃទី ៣ ខែមិថុនា ឆ្នាំ ២០២៣ ខាងមុខនេះ នៅក្នុងពហុកីឡដ្ឋានជាតិមរតកតេជោ៕ សូមចុចទីនេះ ដើម្បីទស្សនាវីដេអូ