ស្រណោះណាស់! ផលិតកម្ម Fantagio បើកឱ្យអ្នកគាំទ្រអាចទៅគោរពវិញ្ញាណក្ខន្ធ Moonbin ដើម្បីលាចុងក្រោយដល់ដាច់ខែនេះ

នៅថ្ងៃទី ២៤ ខែមេសា ឆ្នាំ ២០៣ នេះ ផលិតកម្ម Fantagio ដែលជាផលិតកម្មរបស់ក្រុមចម្រៀង ASTRO និង Moonbin បានចេញសេចក្ដីប្រកាសថា ពួកគេបានរៀបចំកន្លែងដើម្បីឱ្យអ្នកគាំទ្របានមក ដើម្បីគោរពដល់វិញ្ញាណក្ខន្ធរបស់ Moonbin។

ក្នុងសេចក្ដីប្រកាសរបស់ Fantagio បានរៀបរាប់បែបនេះថា ៖ «ដើម្បីអាចឱ្យអ្នកគាំទ្រដែលមកពីចម្ងាយ អាចមកគោរពវិញ្ញាណក្ខន្ធ យកផ្កា ឬ អំណោយនានា ព្រមទាំង សរសេរជាសារទៅកាន់ Moonbin ពួកយើងបានរៀបចំកន្លែងបន្ថែមដើម្បីឱ្យ AROHAs (ឈ្មោះអ្នកគាំទ្រ ASTRO) មានភាពងាយស្រួលក្នុងការមកកន្លែង​រំឭក​វិញ្ញាណក្ខន្ធ គឺទីតាំងនៅពីមុខការិយាផលិតកម្ម Fantagio តែម្ដង ហើយនឹងបើករហូតដល់ថ្ងៃទី ៣០ ខែមេសា ឆ្នាំ ២០២៣ នេះ»។

លើសពីនេះ ចំពោះអ្នកគាំទ្របានទៅដល់ទីតាំងហើយ ពួកគេនឹងមានការសម្រួលជាពិសេសពីបុគ្គលិកនៅទីនោះ ព្រមទាំងផ្លាកសញ្ញាណែនាំនានា ដើម្បីជាភាបងាយស្រួលសម្រាប់ពួកគេតែម្ដង៕