(វីដេអូ) ផ្ទុះការសរសើរទឹកចិត្ត ប្រាសាទ ដាវីន ពេលឃើញនាងស្ទុះស្ទាទៅជួយ MU អូស្រ្តាលី ខណៈមានបញ្ហាសុខភាព

ពិតណាស់ គិតមកទល់ពេលនេះ រយៈពេល ៩ ថ្ងៃហើយ ដែលបរកញ្ញា ប្រាសាទ ដាវីន បាន និង កំពុងស្ថិតនៅក្នុងដំណើរការប្រកួតកម្មវិធីអន្តរជាតិដ៏អស្ចារ្យ Miss Universe 2024 លើកទី ៧៣ ដោយរៀបចំឡើងនៅប្រទេសម៉ិកស៊ិក។

ស្របពេលនេះដែរ ឃើញថាបវរកញ្ញាកម្ពុជា ប្រាសាទ ដាវីន និង បេក្ខភាពបវរកញ្ញាមកពីបណ្ដាប្រទេសផ្សេងៗកំពុងតែធ្វើការហ្វឹកហាត់ ក៏ដូចជាមានការជួបជុំ និង ធ្វើដំណើរទស្សនកិច្ចរួមគ្នាផ្សេងៗនៅលើទឹកដីប្រទេសម៉ិកស៊ិកផងដែរ។

ក្នុងដំណើរការប្រកួតលើឆាកអន្តរជាតិនេះ អ្នកនាង ប្រាសាទ ដាវីន កំពុងត្រូវបានមហាជនអ្នកគាំទ្រចាប់អារម្មណ៍សរសើរពីសកម្មភាពរបស់អ្នកនាង ដែលបវរកញ្ញាដ៏មានសក្កានុពលរូបនេះ មានភាពជឿជាក់ ស្វាហាប់ខ្លាំងក្នុងដំណើរការប្រកួតទាំងទំនាក់ទំនង ទាំងការប្រើប្រាស់ភាសាផ្សេងៗ។

ជាពិសេសចំពោះការរៀបចំខ្លួន ឃើញថាអ្នកនាង ប្រាសាទ ដាវីន បានត្រៀមខ្លួនយ៉ាងល្អទាំងការតុបតែងមុខ និង ឈុតចូលរួមកម្មវិធីនីមួយៗសុទ្ធតែស្រស់ស្អាតលេចធ្លោមិនឱ្យចាញ់បវរកញ្ញាប្រទេសដទៃឡើយ។

ដោយឡែក អ្វីរឹតតែធ្វើឱ្យមហាជនអ្នកគាំទ្រកំពុងចាប់អារម្មណ៍ចែករំលែក និង ហាក់ស្ងើចសរសើរបវរកញ្ញាកម្ពុជាយើងកាន់តែខ្លាំង គឺចំពោះទឹកចិត្តដ៏ល្អរបស់អ្នកនាង ខណៈបានឃើញវីដេអូមួយនៃសកម្មភាពរបស់អ្នកនាងបានស្ទុះទៅជួយលើកបេក្ខភាពដទៃពេលមានបញ្ហាសុខភាពខ្យល់គដួលអំឡុងពេលជួបជុំគ្នាក្នុងកម្មវិធីមួយនៃការប្រកួត៕

សូមចុចទីនេះដើម្បីទស្សនាវីដេអូ៖