(វីដេអូ) ស្ងាត់មួយរយៈធំ ពុធ ស្រីខួច វិលមកវាយលុយសិល្បៈវិញ រីឯទឹកដមសំឡេងច្រៀងកាន់តែពីរោះ
និយាយពីម្ចាស់ជ័យលាភី Freishie Girl លេខ ១ ជំនាន់ទី ១៣ កញ្ញា ពុធ ស្រីខួច បច្ចុប្បន្នចាត់ទុកជាតារាសម្ដែងស្រីដ៏មានប្រជាប្រិយភាពមួយរូប មានការស្រឡាញ់គាំទ្រខ្លាំងពីមហាជន តាមរយៈស្នាដៃសម្ដែងពេញដោយទេពកោសល្យយ៉ាងប៉ិនប្រសប់ក្នុងតំណែងជាតួឯកជាច្រើនរឿងកន្លងមក។
យ៉ាងណាមិញ មួយរយៈមុន គេសង្កេតឃើញកញ្ញា ពុធ ស្រីខួច ហាក់ស្ងប់ស្ងាត់ខ្លាំងពីវិស័យសិល្បៈសម្ដែង ដោយពុំបានឃើញវត្តមានរបស់នាងសម្ដែងរឿង និង ចូលរួមកម្មវិធីទូរទស្សន៍ផ្សេងៗដូចពីមុនឡើយ។
ដោយឡែក មកដល់ពាក់កណ្ដាលឆ្នាំ ២០២៤ នេះ តារាសម្ដែងស្រីរូបនេះ កបានធ្វើឱ្យអ្នកគាំទ្រចាប់អារម្មណ៍ជាថ្មី ដែលបានឃើញវត្តមានរបស់នាងលេចមុខក្នុងខ្សែភាពយន្តភាគខ្មែរថ្មីមួយ ដែលនៅតែក្ដោបបានតំណែងជាតួឯកស្រីដដែលក្នុងស្ថានីយទូរទស្សន៍ PNN គឺរឿង «ហេតុអ្វីជាពួកយើង»។
ជាមួយនឹងការវិលត្រឡប់មកវាយលុយវិស័យសម្ដែងវិញនេះដែរ ពុធ ស្រីខួច ក៏កំពុងឆក់បានប្រជាប្រិយភាពកាន់តែខ្លាំង ព្រមទាំងទទួលបានការសរសើរជាមួយនឹងសមត្ថភាពរបស់នាងមួយទៀត គឺទាក់ទងនឹងទឹកដមសំឡេងអាចច្រៀងបានយ៉ាងពីរោះ ដែលឃើញច្រៀងដោយផ្ទាល់ចាក់ក្នុងសាច់រឿងថ្មីដែលខ្លួនសម្ដែង និង ឃើញច្រៀងក្នុងកម្មវិធីទូរទស្សន៍ផ្សេងៗទៀតផង៕
សូមចុចទីនេះដើម្បីទស្សនាវីដេអូ៖
