រំលង ៧ ឆ្នាំ ពេជ្រ ថៃ និង ឡុង លីងគ័ង្គ ផ្លាស់ប្ដូររូបរាងប្លែកខ្លាំង ម្នាក់ៗធំពេញកំលោះអស់បាត់

និយាយពីម្ចាស់ពាន The Voice Kids Cambodia រដូវកាលទី ១ ពេជ្រ ថៃ និង អតីតបេក្ខភាពដ៏ឆ្នើម ឡុង លីងគ័ង្គ គិតមកដល់ពេលនេះ រំលងរយៈពេលជាង ៧ ឆ្នាំហើយ ក្រោយពីការប្រឡងចម្រៀងកម្មវិធីលំដាប់ពិភពលោកនេះកាលពីឆ្នាំ ២០១៧ កន្លងទៅ ដែលអ្នកទាំងពីរបានក្លាយជាតារាចម្រៀងអាជីពប្រចាំផលិតកម្មរស្មីហង្សមាស។

បើត្រឡប់ទៅមើលវីដេអូនៃការប្រឡងចម្រៀងកាលពីអំឡុងឆ្នាំនោះ ពេជ្រ ថៃ និង ឡុង លីងគ័ង្គ គ្រាន់តែជាកុមារាតូចច្រមក់យ៉ាងសាមញ្ញគួរឱ្យស្រឡាញ់ប៉ុណ្ណោះ ប៉ុន្តែបើចាប់អារម្មណ៍ពេលនេះ រូបគេទាំងពីរ បានលូតលាស់ផ្លាស់ប្ដូររូបរាងកាន់តែធំពេញរូបពេញរាង ទាំងកម្ពស់កម្ពរ និង មុខមាត់ក៏កាន់តែស្រស់សង្ហាមានមន្តស្នេហ៍មិនណយឡើយ។

ជាក់ស្ដែង តាមរយៈរូបភាពថ្មីៗក្នុងឆ្នាំ ២០២៤ នេះ ដែល ពេជ្រ ថៃ មានវ័យ ១៩ ឆ្នាំ និង ឡុង លីងគ័ង្គ វ័យ ១៥ ឆ្នាំ មើលទៅកាន់តែទទួលបានការចាប់អារម្មណ៍ និង សរសើរពីមហាជនចំពោះរូបរាងធំពេញកំលោះរបស់អ្នកទាំងពីរ ដែលបានលេងស្ទីលស្អាតៗទាក់ទាញបង្ហោះលើហ្វេសប៊ុក៕