ក្រោយគេទម្លាយមុខបុរសជាស្នេហ៍ថ្មីភ្លាម Toey ស្រាប់តែចុច Unfollow IG ប្រុសម្នាក់ហ្នឹងភ្លែត

កាលពីពេលថ្មីៗនេះមហាជនភ្ញាក់ផ្អើលជាខ្លាំង បន្ទាប់ពីផេកល្បីរបស់ថៃឈ្មោះ ចែមួយ ១០៨ បានបើកទម្លាយពីរឿងរ៉ាវស្នេហ៍របស់តារាស្រី Toey ដោយមិនលាក់បាំងថា ដំណើរកម្សាន្តរបស់នាងនៅក្នុងប្រទេសដាណឺម៉ាក តាមពិតនាងមិនបានទៅម្នាក់ឯងឡើយ ពោលគឺទៅជាមួយបុរសម្នាក់ដែលគេសង្ស័យថាជាគូស្នេហ៍ថ្មីរបស់នាង។

យ៉ាងណាមិញ បុរសដែលផេកល្បីនោះបានទម្លាយ ត្រូវបានមហាជនដឹងថាជាអ្នកកីឡាជម្រើសជាតិម្នាក់មានឈ្មោះថា Jeto Panithi Nawasamitwong។ ដោយឡែក បើងាកទៅមើលតារាស្រី Toey និង អ្នកកំលោះរូបនោះវិញ បន្ទាប់ពីមានគេបើកទម្លាយពីរឿងរ៉ាវស្នេហ៍របស់ខ្លួនភ្លាម ស្រាប់តែគេឃើញតារាស្រី Toey បាន Unfollow គណនី IG ខាងប្រុសភ្លាម។ ចំណែកខាងប្រុស ក៏បានដាក់គណនី IG របស់ខ្លួនជាឯកជនវិញ មិនឱ្យមានអ្នកតាមដានផងដែរ។

បន្ទាប់ពីបានឃើញដូច្នេះរឹតកាន់តែធ្វើឱ្យម្នាក់ៗអន្ទះសាចង់ដឹងកាន់តែខ្លាំងថា តើអ្នកទាំងពីរមានទំនាក់ទំនងស្នេហាជាមួយគ្នាពិតប្រាកដទេ ឬ យ៉ាងណា ដោយម្នាក់ៗទន្ទឹងរង់ចាំការបកស្រាយចេញពីមាត់សាមីខ្លួនតារាស្រី Toey ផ្ទាល់ផងដែរ៕