អបអរសាទរ! ភរិយារបស់ Jett សម្រាលបានកូនប្រុសគួរឱ្យស្រឡាញ់ ក្រោយរៀបការបាន ៧ ខែ

ជឿជាក់ថា ប្រិយមិត្តច្បាស់ជាចាំជាក់ជាពុំខានពីលោក Jett Nattapong ដែលជាអ្នកដឹកនាំរឿងដ៏ល្បី និង ជាអតីតសង្សារចាស់របស់កំពូលតារាស្រី Kim Berley។ ក្រោយពីចែកផ្លូវគ្នាជាមួយតារាស្រី Kim Berley ទៅ គេក៏ឃើញអ្នកដឹកនាំរឿងរូបសង្ហា បានទៅផ្តើមស្នេហ៍ជាមួយនឹងនាង Pimpartty។

ក្នុងនោះកាលពីថ្ងៃទី ១៦ ខែមីនា ឆ្នាំ ២០២២ កន្លងទៅនេះលោក Jett Nattapong អ្នកដឹកនាំរឿងរូបសង្ហារូបនេះក៏បានកាន់ដៃគូស្នេហ៍ចូលរោងការ ដែលបានរៀបចំឡើងយ៉ាងអធិធម និង មានការចូលរួមយ៉ាងច្រើនពីបណា្ដសិល្បករថៃ។ ដូចគ្នានោះមកទល់ពេលនេះលោក Jett និង ភរិយារៀបការបាន ៧ ខែហើយ។

ក្រោយពីរៀបការបាន ៧ ខែក្នុងចំណងអាពាហ៍ពិពាហ៍ដ៏ផ្អែមល្ហែម កាលពីថ្ងៃទី ១៦ ខែតុលា ឆ្នាំ ២០២២ កន្លងនេះ Jett បានចេញមកប្រកាសដំណឹងល្អ ដោយពេលនេះលោកទទួលបានកូនប្រុសម្នាក់ជាចំណងដៃហើយ។ ទន្ទឹមនឹងនោះ បើងាកទៅមើលឈ្មោះវិញក៏ពីរោះ ដោយ Jett បានដាក់ឈ្មោះឱ្យប្រុសរបស់ខ្លួនថា Anakin ។ យ៉ាងណាមិញ ងាកទៅមើលអ្នកគាំទ្រ និង បណ្ដាសិល្បកររួមអាជីពវិញបន្ទាប់ពីលោក Jett ទទួលបានកូនប្រុសយ៉ាងស្រស់ស្អាតគេឃើញថាម្នាក់ៗបានចូលទៅបញ្ចេញមតិអបអរសាទរគ្រប់ៗគ្នា៕