ប៉ូលិសកូនភ្លោះសង្ហាៗ ជារីរបុរសក្នុងចិត្តពលរដ្ឋ ម្នាក់តែងសម្រួលឡានពេទ្យ ម្នាក់ជាប៉ូលិសចរាចរណ៍ចិត្តធម៌
បងប្អូនភ្លោះជាប៉ូលិសកំពុងក្លាយជាវីរបុរសក្នុងចិត្តប្រជាជនខ្មែរ ក្រោយបងប្អូនទាំង ២ រូបនេះ យកចិត្តទុកដាក់ខ្លាំងពីសុខទុក្ខប្រជាពលរដ្ឋ និង មានស្នាដៃធំៗជាបន្តបន្ទាប់ ។ បងប្អូនភ្លោះមាននិស្ស័យ ស្រលាញ់ការងារជាប៉ូលិស ត្រូវបានគេស្គាល់យ៉ាងច្បាស់ថាមានឈ្មោះ ស៊ិន សុភា ស៊ិន សុភ័ក្រ្ដ ។
បងប្អូនរូបសង្ហាទាំងពីរនាក់បានក្លាយជានិមិត្តរូបរបស់ប្រជាជន ព្រោះគេនៅចាំមិនភ្លេចលោក ស៊ិន សុភា ត្រូវបានគេហៅថា វីរបុរសសង្គ្រោះជីវិតមនុស្ស ព្រោះលោកបានជួយសម្រួលរថយន្តសង្គ្រោះបន្ទាន់ដឹកអ្នកជំងឺរហូតដល់គោលដៅ និង សង្គ្រោះទាន់ពេលវេលា ។ ចំណែកឯលោក ស៊ិន សុភ័ក្រ្ដ វិញ ជាប៉ូលិសចរាចរណ៍ចិត្តធម៌ មិនដែលប្រើសម្ដីទ្រគោះបោះបោកដាក់ប្រជាជន តែងបញ្ចេញស្នាមញញឹមពេលបំពេញកាតព្វកិច្ច ។ លោក សុភ័ក្រ្ដ តែងចេញប្រតិបត្តិការជាប្រចាំរាល់ពេលតំបន់ណា មានបញ្ហាកកស្ទះ ឬ មានស្ថានការណ៍បន្ទាន់ ។ ក្រៅពីនេះលោកតែងជួយកាន់ដៃពលរដ្ឋឆ្លងផ្លូវ មិនថាសិស្សានុសិស្ស ជនចាស់ជរា ជនពិការឡើយ ។
កាន់តែធ្វើឱ្យអ្នកទាំងពីរមានការគោរពស្រលាញ់កាន់តែខ្លាំងនោះ គឺប៉ុន្មានថ្ងៃមុននេះអ្នកទាំងពីរ បានបើកម៉ូតូធំដេញចាប់ជនជាតិចិនដែលបង្កគ្រោះថ្នាក់ចរាចរណ៍ រហូតក្របួចបានគ្រឿងញៀន ដល់ទៅ ៦ គីឡូក្រាមឯណោះ ។ នេះប្រសិនបើអ្នកទាំង ២ មិនបានចាប់គ្រឿងញៀន ៦ គីឡូក្រាមនេះទេ មិនដឹងថា គ្រឿងញៀនទាំងនោះបំពុលសង្គមជាតិយ៉ាងណាឡើយ ហើយប្រសិនបើ មិនបានចាប់ចិនជនខ្មៅងងឹតនោះទេ មិនដឹងថាជនអន្ធពាលនេះទៅជួញដូរប៉ុន្មានគីឡូទៀតឡើយ ៕
រូបភាពដេញចាប់ចិនថ្ងៃមុន ៖
អត្ថបទ ៖ រាជ
រូបភាព ៖ អ៊ី បញ្ញា និង ស៊ិន សុភ័ក្ដ្រ
