ទម្លាយមុខជំនួញ អ្នកឧកញ៉ា គិត ម៉េង ក្តោបក្តាប់ជិត ៣០ ក្រុមហ៊ុន រហូតមានងារជាសេដ្ឋីស្រុកខ្មែរ

អ្នកឧកញ៉ា គិត ម៉េង ចាប់កំណើតនៅក្នុងត្រកូលពាណិជ្ជករ ជាប់សែស្រឡាយចិនម្នាក់ឈ្មោះ លោក គិត ប៉េងអៀក ដោយលោកបានកើតនៅថ្ងៃទី ១ ខែកញ្ញា ឆ្នាំ១៩៦៨ ឯខេត្តកណ្តាល បច្ចុប្បន្នមានអាយុ ៥៣ ឆ្នាំ ។ អ្នកឧកញ៉ាបានសម្រេចចិត្តចូលរោងការជាមួយលោកជំទាវ ស្រីតូច ចំណាន នៅក្នុងឆ្នាំ ២០១៥ ដោយទទួលបានចំណងដៃកូនចំនួន ៤ នាក់ ក្នុងនោះរួមានស្រី ២ នាក់ ប្រុស ២ នាក់ នេះបើយោងទៅតាមការរៀបរាប់ក្នុងវេបសាយ Wikipedia ។

បច្ចុប្បន្ននេះ អ្នកឧកញ៉ា គិត ម៉េង បានក្លាយជាមហាសេដ្ឋីលំដាប់កំពូលម្នាក់របស់កម្ពុជា មានតួនាទីជាប្រធានសភាពាណិជ្ជកម្មកម្ពុជា និង ជាប្រធានក្រុមហ៊ុន The Royal Group ដែលមានក្រុមហ៊ុនចំណុះប្រមាណជាជិត ៣០ នៅក្នុងតម្លៃទឹកប្រាក់រាប់លានដុល្លារ នេះបើតាមប្រភពពីវេបសាយ «ឧកញ៉ា NEWS» បានចុះផ្សាយកាលពីដើមខែកក្កដា ឆ្នាំ ២០១៩ កន្លងទៅ ។ ខាងក្រោមនេះ ជាក្រុមហ៊ុនដែលមានក្នុងដៃអ្នកឧកញ៉ា គិត ម៉េង គិតត្រឹមការចុះផ្សាយកាលពីដើមខែកក្កដា ឆ្នាំ ២០១៩ កន្លងទៅ ដោយមិនរាប់បន្ថែមពីក្រុមហ៊ុន និង ការវិនិយោគថ្មីៗ ដែលមានក្នុងឆ្នាំ ២០២០ ដល់ ឆ្នាំ ២០២១ នេះទេ មានដូចជា ៖

*ផ្នែកទូរគមនាគមន៍ និង ព័ត៌មានវិទ្យា

១.ក្រុមហ៊ុនទូរស័ព្ទចល័ត Cellcard

២.ក្រុមហ៊ុន Royal Telecam International

៣.ក្រុមហ៊ុន Tele SURF

៤.ក្រុមហ៊ុន Ezecom

៥.ក្រុមហ៊ុន NETi Solutions

*ផ្នែកហិរញ្ញវត្ថុ

១.ក្រុមហ៊ុនធានារ៉ាប់រង Infinity Insurance

២.ធនាគារ J Trust Royal  Bank

៣.ក្រុមហ៊ុន Royal Financial Consultancy

*ផ្នែកផ្សព្វផ្សាយព័ត៌មាន និង កម្សាន្ត

១.ទូរទស្សន៍ CTN (Cambodian Broadcasting Corporation)

២.ទូរសទ្សន៍ CNC

៣.ទូរទស្សន៍ MyTV

៤.ទូរទស្សន៍ CEPCO

៥.ក្រុមហ៊ុនផ្សព្វផ្សាយពាណិជ្ជកម្ម BrandSolutions

៦.ផលិតកម្ម Rock Production ក្រោយមកត្រូវបានបិទ

៧.មជ្ឈមណ្ឌលកម្សាន្ត Rock Entertainment Centre ក្រោយមកត្រូវបានបិទ

*ផ្នែកសណ្ឋាគារ និង រីស៊ត

១.Royal Park Resort នៅសៀមរាប

២.Titan King Resort & Casino នៅបាវិត ខេត្តស្វាយរៀង

៣.សណ្ឋាគារ Hotel Cambodiana

*ផ្នែកអភិវឌ្ឍន៍អលចទ្រព្យ

១.អគារពាណិជ្ជកម្ម Royal Tower នៅភ្នំពេញ

២.កោះរុង នៅខេត្តព្រះសីហនុ

៣.Northbridge Communities នៅភ្នំពេញ ផ្លូវ២០០៤

៤.ខុនដូ Embassy Place

៥.ក្រុមហ៊ុន The Royal Group ទិញលក់ដីធ្លី

*ផ្នែកពាណិជ្ជកម្ម

១.ផលិតផលអេឡិចត្រូនិក Canon, Motorola, Samsung និង Siemens

២.ផ្នែកជួលឧទ្ធម្ភាចក្រ Bell Helicopter

៣.ផ្នែកលក់ចំណីអាហារ ដូចជា KFC ភោជនីយដ្ឋាន Pizza Hut ជាដើម

*ផ្នែកដឹកជញ្ជូន

១.ក្រុមហ៊ុន Royal Cambodian Limousine Service មានរថយន្តទំនើបសម្រាប់ដឹកជញ្ជូនភ្ញៀវ

២.ក្រុមហ៊ុនផ្លូវដែក Toll Royal ៕