ទុក្ខជាន់ទុក្ខ! ជីវិតកំពុងលំបាកស្រាប់ហើយ តាចេក កំពុងជួបទុក្ខធំ កូនប្រសាជួបគ្រោះថ្នា./ក់បាត់បង់ជីវិតមួយប៉ប្រិចភ្នែក

មហាជនជាច្រើនបានជ្រាបហើយពី តាចេក ដែលធ្លាប់ជាតារាកំប្លែងជើងចាស់ដ៏មានប្រជាប្រិយភាពមួយរូប ប៉ុន្តែ​មួយរយៈធំចុងក្រោយនេះ ​លោកហាក់បាត់មុខពីការ​សម្ដែងកំប្លែងលើ​កញ្ចក់​ទូរ​ទស្សន៍ផ្សេងៗ ដែល​គេបានឃើញថាលោកតា​កំពុងរស់នៅក្នុងជីវិតដែលមានជីវភាពលំបាកខ្លាំង។

ពិតណាស់ ប៉ុន្មានឆ្នាំកន្លងមកនេះ គេតែងឃើញ លោកតា បង្ហោះរូបភាព និង សារលើហ្វេសប៊ុកបង្ហាញ​ពីការតស៊ូរបស់លោកតា​ ដែលប្រកបរបរលក់ភេសជ្ជៈ និង ​លក់ផ្លែឈើតាមដងផ្លូវ ​ធ្វើឱ្យមហាជន​អ្នក​គាំទ្រ​​សម្ដែង​នូវភាពអាណិតអាសូរដល់​លោកតាពន់ពេក។​

ដោយឡែក ថ្មីៗនេះ អ្វីកាន់តែធ្វើឱ្យមហាជនអ្នកគាំទ្រខ្លោចចិត្ត និង សោកស្ដាយថែមទៀត ក្រោយពីបានឃើញហ្វេសប៊ុករបស់តារាកំប្លែងជើងចាស់រូបនេះ បង្ហោះសារជូនដំណឹងដ៏ក្រៀមក្រំ ដោយលោកតាបានបាត់បង់សមាជិកគ្រួសារជាទីស្រឡាញ់ម្នាក់ គឺត្រូវជាកូនប្រសាររបស់លោកតាបានទទួលមរណភាពដោយសារគ្រោះថ្នាក់តែមួយប៉ប្រិចភ្នែក។

សារនោះលោក តាចេក បានរៀបរាប់ថា ៖ «ទុក្ខជាន់ទុក្ខហើយខ្ញុំ ពេលនេះកូនប្រសាខ្ញុំឡានធំបានបុកស្លាប់នៅស្តុបណូកៀ កាលល្ងាចថ្ងៃទី៨ ខែធ្នូ ឆ្នាំ ២០២៤ បានដឹកមកដល់ស្រុកកំណើតនៅអ្នកលឿង កំពុងរៀបចំធ្វើបុណ្យតាមប្រពៃណី ហើយសូមវិញ្ញាណខ័នកូនទៅកាន់សុគតិភពជាតិក្រោយសូមកូនអាយុវែងណាកូន។ លេខទំនាក់ទំងខ្ញុំ0889949449.0769949449»៕