Pat ប្រាប់អាថ៌កំបាំងមិននឹកស្មានមួយក្នុងថ្ងៃគូស្នេហ៍បំពាក់ចិញ្ចៀន សូម្បីអតីតស្វាមីក៏ដឹងមុន

នៅពេលនេះ ក្តីស្នេហ៍រវាងតារាស្រី Pat Napapa និង សង្សារអាយុប្អូន ១៤ ឆ្នាំ កំពុងតែមានភាពស្អិតល្មួត និង កំពុងតែធ្វើឱ្យមហាជនលួចច្រណែន។ ជាការពិត ទោះបីជាអតីតស្វាមីនាង គឺលោក Ben Racing បានចេញពីគុកមានសេរីភាពវិញក៏ដោយ ក៏ស្រីស្រស់ Pat នៅតែជ្រើសរើសយកកំលោះសង្ហាដែលជាគូស្នេហ៍ក្រោយ ដើម្បីសាងអនាគត។

យ៉ាងណាមិញ នៅថ្ងៃទី ០២ ខែមករា ឆ្នាំ ២០២៤ នេះ មហាជន ក៏ដូចជាអ្នកគាំទ្រជាច្រើនមានការរំភើបចិត្ត និង ភ្ញាក់ផ្អើលជាខ្លាំង ក្រោយកំលោះ Chanon សង្សាររបស់ Pat បានចេញមកបង្ហោះរូបភាពសុំតារាស្រី Pat រៀបការនៅប្រទេសអ៊ីតាលីយ៉ាងរ៉ូមែនទិក និង ពោរពេញដោយសុភមង្គល។

ដោយឡែក អ្វីដែលសំខាន់បន្ទាប់ពីត្រូវសង្សារបណ្តូលចិត្តសុំរៀបការបានប៉ុន្មានថ្ងៃ ស្រាប់តែនៅថ្ងៃទី ៤ ខែមករា ឆ្នាំ ២០២៣ នេះ តារាស្រី Pat បានទម្លាយអាថ៌កំបាំងមួយថា ការពិតទៅគម្រោងដែលសង្សារនាងសុំរៀបការនេះនាងមិនបានដឹងទាល់តែសោះ តែកូនប្រុសរបស់នាងជាអ្នកចូលដៃជើងដែរសោះ ពិសេស ថែមទាំងជាអ្នករើសចិញ្ចៀនសុំរៀបការនេះឱ្យម្តាយទៀត។

លើសពីនេះទៅទៀតនោះ Pat ក៏បានបន្ថែមទៀតថា សូម្បីតែអតីតស្វាមីរបស់នាងក៏ដឹងរឿងនេះ និង ចូលរួមអបអរជាមួយដែរ ពោលគឹ​ ការពិតទៅអតីតស្វាមីរបស់នាង និង សង្សារថ្មីនាងជួបគ្នាជាញឹកញាប់ណាស់ គ្រាន់តែមិនបង្ហោះរូប៕