បើកទំព័រឆ្នាំថ្មី! Taew លេងមួយអស់ដៃ ថតរូបសិចស៊ីព្រលែងល្វែងលើ មហាជនឃើញហើយលាន់មាត់ព្រាត

ជាការពិតណាស់ មហាជនជាច្រើនបានដឹងហើយថា ពេលនេះតារាសម្ដែងស្រី Taew Natapohn កំពុងតែមានទំនាក់ទំនងជាមួយអ្នកមានហាយសូរមានលុយច្រើនសន្ធឹកសន្ធាប់លំដាប់ប្រទេសថៃ លោក Pranai Phornprapha ហើយពេលនេះដែរ ស្នេហាអ្នកទាំងពីរហាក់បីដូចជាកំពុងតែផ្អែមល្ហែមខ្លាំង ឡើង។

ដោយឡែក បើនិយាយពីស្រីស្រស់ Taew វិញ នរណាក៏ដឹងថា តារាស្រីរូបនេះស្រឡាញ់សុខភាព និង សម្រស់ ព្រោះថាជារៀងរាល់ថ្ងៃ នាងតែងហាត់ប្រាណថែរាង មិនធ្វេសប្រហែសឡើយ រហូតធ្លាប់ស្គមខ្លាំងនាំឱ្យមហាជនរិះគន់ថែមទៀតផង។

យ៉ាងណាមិញ ថ្មីៗនេះ Taew បានចេញមកបង្ហោះរូបភាពប្រតិទិនឆ្នាំថ្មី ២០២៤ ប៉ុន្មានសន្លឹកដែលថតក្នុង Concept ផ្កាស្រស់យ៉ាងស្រស់ស្អាត។ អ្វីដែលគួរឱ្យចាប់អារម្មណ៍នោះ ស្រីស្រស់ Taew ដែលជាតារាស្រីតែងសម្ដែងតួអង្គបែបសុភាពៗ ស្រាប់តែម្តងនេះ ព្រលែងខ្លួនបែបសិចស៊ីបញ្ចេញល្វែងលើបិទតែផ្កាបន្តិចបន្ទួចនាំឱ្យមហាជនបើកភ្នែកធំៗសរសើរព្រាតពីសម្រស់ និង មិននឹកស្មានថាបានឃើញ Taew ក្នុង Concept បែបនេះឡើយក្នុងឆ្នាំ ២០២៤ ៕