បើកភ្នែកធំៗ! លោកប្រធាន លី តួអង្គប្តី ចាង ស៊ីឈី កាន់កាប់តំណែងនេះទាំងវ័យក្មេង
ប្រិយមិត្តច្បាស់ជាបានស្គាល់ហើយ លោក Wang Dao Tie ដើរតួជាប្រធាន លី តុង ម្ចាស់ក្រុមហ៊ុនធំបំផុតលំដាប់ប្រទេស និង ជាស្វាមីរបស់តួឯកស្រី Jiang Shi Qi (ចាង ស៊ីឈី) ក្នុងរឿងភាគខ្លី ដែលកំពុងល្បីមានអ្នកទស្សនាច្រើននៅលើបណ្តាញសង្គមហ្វេសប៊ុក និង Tiktok នាពេលថ្មីៗកន្លងមកនេះ។
ក្រៅពីភាពសង្ហាទាក់ទាញចិត្តទស្សនិកជនហើយ លោកប្រធាន លី ក៏ធ្វើឱ្យអ្នកទស្សនាភាគច្រើន ចង់ដឹងអំពីជីវិតក្រៅឆាករបស់លោកច្រើនផងដែរ។ តាមពិតទៅ ប្រធាន លី ដែលទស្សនិកជនភាគច្រើនបានស្គាល់ គឺជាតារាសម្ដែងអាជីព និង ផលិតករឆ្នើមមួយរូប ដែលបានបញ្ចប់ការសិក្សាពី Central Academy of Drama។
នៅក្នុងឆ្នាំ ២០១១ លោកបានសម្ដែងក្នុងខ្សែភាពយន្តដំបូង «Today and Tomorrow» ជាមួយនឹងខ្សែភាពយន្តនេះដែរ លោកក៏បានទទួលពានរង្វាន់ជាតារាសម្ដែងឆ្នើម ហើយបានចូលរួមបង្ហាញខ្លួននៅឯសន្និសីទសមាគមអ្នកដឹកនាំភាពយន្តចិនលើកទី ២៦ ផងដែរ៕
