មិនមែនទាល់តែយំទេ សញ្ញា ៨ យ៉ាងនេះ បង្ហាញថាកូនតូចកំពុងឃ្លានហើយ

ទារកដែលទើបនឹងកើតត្រូវការម៉ិមឱ្យបានញឹកញាប់ ដោយការបំបៅមានចន្លោះ​យ៉ាង​តិចពី ៨​ ទៅ ​១២​ ដង ​ក្នុង​មួយ​ថ្ងៃ។ ក្នុងនោះ ជាទូទៅម៉ាក់ប៉ាតែងយល់ថាកូនតូចឃ្លាន គឺគេនឹងយំជាក់ជាមិនខាន។ តែចំណុចនេះ​អាចជាសញ្ញាចុងក្រោយហើយ ដែលជាតំណាក់កាលកូនតូចរបស់អ្នកឃ្លានខ្លាំង។ ថ្ងៃនេះ «អ្នកម៉ាក់ប្រជាប្រិយ» នឹងលើកយកសញ្ញាទាំង ៨ និង សណ្ឋាននៃការឃ្លានរបស់កូនតូចក្រៅពីការយំ ដែលម៉ាប៉ាគួរដឹង ៖

១. នៅ​មិន​ស្ងៀម កម្រើក​ខ្លួន​ទៅ​មក

សញ្ញា​មួយនេះ អាច​បង្ហាញថា​កូន​របស់​ម៉ាក់ប៉ាចាប់ផ្តើមឃ្លានហើយ ដោយជាទូទៅគេប្រើសកម្មភាពនឹងភ្នែក។

២. ទារកភ្ញាក់ពីគេង

ទារក អាចមានភាពច្របូកច្របល់ដោយសារហេតុផលផ្សេងៗ ហើយការឃ្លាន គឺជារឿងមួយដ៏សំខាន់។ គួរបំបៅទឹកដោះគោម្សៅ ឬ ទឹកដោះម្តាយ ពេលដែលកូនរបស់អ្នកភ្ញាក់ពីគេង។

៣. ទារកលិឍបបូរមាត់ ឬ លិឍអណ្តាត

ប្រសិនបើ ម៉ាក់ប៉ាយកចិត្តទុកដាក់ខ្លាំង អ្នកប្រហែលជាឃើញកូនរបស់អ្នកកំពុងតែស្ទាបបបូរមាត់ ឬ លិឍបបូរមាត់ញឹកញាប់។ ចំណុចនេះ ជាការបង្ហាញថា អូនតូចៗ​កំពុង​សម្លឹង​រក​ការ​ចាប់ដបទឹកដោះគោមកកាន់ ឬ ប៉ះសុដន់ម៉ាក់ៗ ជាដើម។

៤. ទារកបៀមម្រាមដៃ ឬ ប្រអប់ដៃ

ទារក ដែលមានអាយុចាប់ពីជាង ២ ខែ ពួកគេអាចបង្ហាញសញ្ញាកំពុងឃ្លានដោយការជញ្ជក់ម្រាមដៃ ឬ ប្រអប់ដៃបាន។

៥. ទារកបើក និង បិទមាត់ញឹកញាប់

ស្រដៀងគ្នានេះដែរ ទារករបស់ម៉ាក់ប៉ាអាចបើក និង បិទមាត់ញឹកញាប់ ដែលជាសញ្ញាមួយផ្សេងទៀតនៃការឃ្លាន។

៦. ទារកក្តាប់ដៃចុះឡើង

ការក្តាប់ដៃចុះឡើងរបស់ទារក ​ក៏​អាច​បង្ហាញថា​កូន​តូច​របស់​ម៉ាក់ប៉ា​ឃ្លាន​ដែរ​។

៧. ទារកបែរក្បាលទៅលើដើមទ្រូងម៉ាក់ៗ ពេលម៉ាក់បី

នៅពេល ដែលកូនតូចម៉ាក់ៗកំពុងតែបែរក្បាលរបស់គេឆ្ពោះទៅរកសុដន់របស់ម៉ាក់នោះ គឺហាក់ឱ្យដំរួយថា អូនតូចកំពុងតែរកអាហារ និង ជាពេលបំបៅទឹកដោះគេហើយ។

៨. ទារកយំ

ការយំ ជាសញ្ញាបញ្ជាក់ថា កូនម៉ាក់ប៉ាអាចនឹងឃ្លានខ្លាំង ឬក៏ជាការសម្គាល់ថា ម៉ាក់ប៉ាបានឱ្យទឹកដោះអូនតូចម៉ឹមយឺតយ៉ាវ។ ដូចនេះ ជៀសជាងធ្វើឱ្យកូនតូចយំ ម៉ាក់ប៉ា គួរតែចាប់បានសញ្ញាទាំង ៧ ខាងលើមុនកូនតូចរបស់អ្នកយំទាន់៕

ប្រភព៖ Baby Center & Mustela USA