ឆ្នាំនេះមានគម្រោងទៅណា? មុននេះ ក្រសួងចេញប្រកាសថ្ងៃឈប់សម្រាកបុណ្យភ្ជុំបិណ្ឌ ២០២៤ គឺឈប់ ៣ ថ្ងៃពេញ

នៅថ្ងៃទី ១២ ខែកញ្ញា ឆ្នាំ ២០២៤ នេះ ក្រសួងការងារ និង បណ្ដុះបណ្ដាលវិជ្ជាជីវៈ បានចេញសេចក្ដីជូនដំណឹង ស្ដីអំពីការឈប់សម្រាកនៅថ្ងៃឱកាសពិធីបុណ្យភ្ជុំបិណ្ឌ ឆ្នាំ ២០២៤ ខាងមុខនេះ។

តាមរយៈសេចក្ដីប្រកាសបានឱ្យដឹងថា កម្មករនិយោជិតទាំងអស់ នឹងបានឈប់សម្រាកដោយមានប្រាក់ឈ្នួល នាឱកាសពិធីបុណ្យភ្ជុំបិណ្ឌខាងមុខ ក្នុងរយៈពេល ០៣ ថ្ងៃ គឺនៅថ្ងៃទី ១-២ និង ​ថ្ងៃទី ៣ ខែតុលា ឆ្នាំ ២០២៤ ខាងមុខនេះ។

តាមការបញ្ជាក់របស់ក្រសួងការងារ ក៏បានឱ្យដឹងផងដែរថា ចំពោះសហគ្រាស គ្រឹះស្ថានទាំងឡាយណា ដែលកម្មវត្ថុអាជីវកម្មមានចរិតលក្ខណៈសកល ត្រូវប្រព្រឹត្តទៅជាប្រចាំ និង មិនអាចបញ្ឈប់សកម្មភាពបាន ហើយការឈប់សម្រាកបុណ្យនៃកម្មករនិយោជិតទាំងអស់ព្រមគ្នាក្នុងពេលតែមួយ នាំឱ្យខូចប្រយោជន៍ដល់សាធារណជន ឬ ក៏ធ្វើឱ្យខូចដំណើរការរបស់សហគ្រាស គ្រឹះស្ថាន នោះម្ចាស់ ឬ នាយក សហគ្រាស គ្រឹះស្ថាន ត្រូវរៀបចំបែងចែកឱ្យកម្មករនិយោជិត បានឈប់សម្រាកទៅតាមថ្ងៃឈប់សម្រាកបុណ្យដោយផ្លាស់ប្តូរវេនគ្នា៕

សូមអានសេចក្ដីជូនដំណឹងលម្អិតនៅខាងក្រោម ៖