(វីដេអូ) អ្នកគាំទ្រអៀនជំនួស! Sophia Kao កំពុងព្យួរសេរ៉ូម ស្រាប់តែ Norith ទៅតាមស្វីតដល់មន្ទីរពេទ្យ

ម្ចាស់បទ «Maybe» គឺតារាចម្រៀងប្រុសរូបសង្ហា Norith បកស្រាយរួមគ្នាជាមួយកញ្ញា Sophia Kao កំពុងក្ដោបបានប្រជាប្រិយយ៉ាងច្រើនផុសផុលពីសំណាក់ទស្សនិកជន ដោយបទចម្រៀងបែបមនោសញ្ចេតនាស្នេហាផ្អែមល្ហែមមួយនេះ កំពុងផ្ទុះល្បីខ្លាំងនៅលើបណ្ដាញសង្គម ជាពិសេសត្រូវបានអ្នកលេង Tiktok យកទៅលេងបង្ហោះព្រោងព្រាត។

ក្រៅពីអត្ថន័យស្នេហានៅក្នុងបទចម្រៀង អាចទាញចំណាប់អារម្មណ៍ទស្សនិកជនឱ្យលន្លង់លន្លោចហើយនោះ អ្នកគាំទ្រក៏ហាក់មានការសង្ស័យកាន់តែខ្លាំងពីទំនាក់ទំនងរវាងកញ្ញា Sophia Kao និង Norith បន្ទាប់ពីឃើញសកម្មភាពរបស់អ្នកទាំងពីរ កាន់តែស្និទ្ធស្នាលផ្អែមល្ហែមរាល់ថ្ងៃ លើសពីមិត្តមួយការងារធម្មតា។

ខណៈក្រសែភ្នែកមហាជនជាច្រើនកំពុងផ្ដោតការចាប់អារម្មណ៍ទៅលើទំនាក់ទំនងពិតប្រាកដរបស់តារាចម្រៀងប្រចាំផលិតកម្មបារមីទាំង ២ រូបនេះ ស្រាប់តែនៅប៉ុន្មានម៉ោងមុន កញ្ញា Sophia បានបង្ហោះវីដេអូកំពុងសម្រាកព្យួរសេរ៉ូមនៅមន្ទីរពេទ្យ ហើយក្បែរខ្លួនក៏មាន Norith នៅកំដរជាប់ លើសពីនេះ ពួកគេថែមទាំងបានបង្ហាញទង្វើស្វីតៗដូចគូស្នេហ៍មួយគូអ៊ីចឹង។ សូមចុចទីនេះដើម្បីទស្សនាវីដេអូ ៖