ភ្លេចៗខ្លួនកូនស្រី វ៉ាង ស្រីណូ អាយុ ១ ខែជាងហើយ មុខមាត់ឃ្យូត សាច់ទ្រលុកទ្រលន់គួរឱ្យក្នាញ់

ពិតណាស់ តារាសម្ដែងស្រី វ៉ាង ស្រីណូ ទទួលបានកូនស្រីដំបូងដ៏គួរឱ្យស្រឡាញ់ម្នាក់ ដែលបានសម្រាលឃើញពន្លឺព្រះអាទិត្យកាលពីថ្ងៃទី ១២ ខែកញ្ញា ឆ្នាំ ២០២៤ កន្លងទៅ ក្រោមការអបអរសាទរយ៉ាងច្រើនព្រោងព្រាតពីសំណាក់សាច់ញាតិមិត្តភក្តិ និង អ្នកគាំទ្រ។

ជាមួយគ្នានោះ មហាជនចាប់អារម្មណ៍ឃើញថាកូនស្រីដំបូងរបស់តារាស្រីរូបនេះ មានមុខមាត់គួរឱ្យស្រឡាញ់ខ្លាំងណាស់ មុខស្អាតដូចកូនកាត់បរទេស ថែមទាំងបានដាក់ឈ្មោះឱ្យកូនស្រីយ៉ាងពីរោះថា Vang Many Birkin។

គិតមកដល់ពេលនេះ Vang Many Birkin កូនស្រីរបស់អ្នកនាង វ៉ាង ស្រីណូ មានអាយុជាង ១ ខែហើយ ដែលឃើញថាមុខមាត់របស់អូនតូចកាន់តែទ្រលុកទ្រលន់គួរឱ្យក្នាញ់ខ្លាំង ដែលទទួលបានការមើលថែយ៉ាងកក់ក្ដៅពីអ្នកម៉ាក់៕