នៅផ្ទះអផ្សុកពេក លេងយកឡានទំនើប Mercades Benz មករត់តាក់ស៊ី អ្នកជិះឃើញហើយចំហមាត់

មហាជននៅតាមបណ្តាញសង្គម កំពុងតែផ្ទុះការចាប់អារម្មណ៍ជាមួយនឹងឡានរត់តាក់ស៊ីមួយគ្រឿង ដែលជាឡានទំនើបម៉ាក Mercades Benz  ដល់សួរនាំទៅ ទើបដឹងថា តាមពិតម្ចាស់ឡានអផ្សុកនៅផ្ទះ មិនដឹងធ្វើអ្វី ក៏មករត់តាក់ស៊ីលេងទៅ។

បុរសម្នាក់ដែលជាអ្នកហៅតាក់ស៊ីនេះមកជិះ បានឱ្យដឹងថា​ ខ្លួនបានហៅតាក់ស៊ីដូចរាល់ដង តែលើកនេះគ្រាន់តែមកក៏ភ្ញាក់ព្រើត ព្រោះជាឡានទំនើបប្លែកជាងរាល់ដង គឺឡានម៉ាក Mercades Benz ។ បុរសរូបនេះក៏បានឡើងជិះ ហើយក៏បានដាច់ចិត្តសួរអ្នកបើក ទើបអ្នកបើកក៏បានទម្លាយឱ្យដឹងថា ខ្លួនបានចូលនិវត្តទៅហើយ សព្វថ្ងៃនេះក៏ត្រូវនៅផ្ទះរហូត គ្មានធ្វើអ្វីក្រៅពីដេក និង ស៊ីឡើយ រួចក៏សម្រេចចិត្តធ្វើរឿងដែលមានប្រយោជន៍ គឺធ្វើជាអ្នកបើកតាក់ស៊ី។

យ៉ាងណាមិញ បុរសជាអ្នកបើក ថែមទាំងទម្លាយទៀតថា ខ្លួនមានឡានទំនើបៗនៅផ្ទះជាច្រើនទៀត ដូចជា Audi Q3 និង BMW 5 Series ហើយមូលហេតុដែលយកឡាន Mercades Benz មកបើកនេះ ព្រោះងាយស្រួលជិះ និង ដឹកអ្នកដំណើរជាងគេ។ ដោយឡែក ក្រោយពីរឿងរ៉ាវមួយនេះ ត្រូវបានចែកចាយទៅ​ អ្នកខ្លះក៏សរសើរអ្នកជិះថាសំណាង បានជិះដល់ឡានទំនើប ឯអ្នកខ្លះទៀតក៏សរសើរអ្នកបើក ថាមានគំនិតល្អ ចេះប្រើពេលវេលាឱ្យមានប្រយោជន៍ផងដែរ៕

សូមចុចទីនេះដើម្បីទស្សនាវីដេអូ៖