(វីដេអូ) បុរសស្មោះស្នេហ៍! តារាចរ៉េប ហ្សេដេស សាក់រូបគូស្នេហ៍ធំៗលើស្មា ហើយនារីនោះមិនមែនជាអ្នកឆ្ងាយទេ
ជាបើទោះជាមិនទទួលបានជ័យលាភីជាម្ចាស់ពាននៃកម្មវិធី The Rapper Cambodia រដូវកាលទី ១ ក៏ពិតមែន ប៉ុន្តែបេក្ខជនឆ្នើម Top 3 លោក ហ្សេដេស នៅតែទទួលបានការគាំទ្រ និង ក្លាយទៅជាតារាចម្រៀងរ៉េបជំនាន់ថ្មី ដែលមានគុណភាពមួយរូបក្នុងសិល្បៈ។
ក្នុងនោះ មហាជនឃើញថា តារាចម្រៀងរ៉េប ហ្សេដេស កំពុងវាយឡុកទីផ្សារសិល្បៈដូចគ្នាដែរ ដោយលោករមែងបង្ហាញវត្តមានក្នុងកម្មវិធីជាច្រើនទៀតផង។ ងាកមកកាន់ជីវិតឯកជន ពាក់ព័ន្ធនឹងរឿងរ៉ាវបេះដូងវិញ ថ្មីៗនេះអ្នកគាំទ្រក៏បានចាប់អារម្មណ៍កាន់តែខ្លាំងឡើងចំពោះលោក ហ្សេដេស ដោយបច្ចុប្បន្នតារាចម្រៀងរ៉េបរូបនេះ មានម្ចាស់បេះដូងរួចហើយ។ លើសពីនោះ អ្វីដែលកាន់តែភ្ញាក់ផ្អើល ម្ចាស់ចិត្តរបស់លោក គឺជាអ្នកគ្រប់គ្រងរបស់លោកផ្ទាល់តែម្តង។
ជាក់ស្តែង ពីមួយថ្ងៃទៅមួយថ្ងៃ លោក ហ្សេដេស និង គូស្នេហ៍បានធ្វើឱ្យអ្នកគាំទ្រចាប់អារម្មណ៍លួចញញឹមពីជីវិតស្នេហារបស់អ្នកទាំង ២ ដោយមានភាពផ្អែមល្ហែមយ៉ាងខ្លាំង។ ជាពិសេសនោះ ថ្មីៗនេះ លោក ហ្សេដេស បានលះបង់ឈឺសាច់ សាក់រូបមិត្តស្រីលើស្មាយ៉ាងធំទៀតផង៕
សូមចុចទីនេះ ដើម្បីទស្សនាវីដេអូទី ១៖
សូមចុចទីនេះ ដើម្បីទស្សនាវីដេអូទី ២៖
