កាន់តែស្និទ្ធ! ពេជ្រ វត្តីសារ៉ាវឌ្ឍី និង Paing បណ្ដើរគ្នាចូលកម្មវិធី សឹងមិនឃ្លាតគ្នាសូម្បីមួយជំហាន

បើនិយាយដល់បវរកញ្ញា ពេជ្រ វត្តីសារ៉ាឌ្ឍី និង តារាសម្ដែងប្រុសមីយ៉ាន់ម៉ា Paing Takhon ខណៈបានសម្ដែងប៉ះគ្នាជាលើកដំបូងក្នុងរឿងខ្នាតធំ «ប្រុសលក់ខ្លួន» មួយរយៈនេះ ត្រូវបានអ្នកគាំទ្រចាប់អារម្មណ៍ និង សរសើរខ្លាំងជាមួយនឹងសកម្មភាពរួមការងារសម្ដែងជាដៃគូដ៏ស័ក្តិសម និង សកម្មភាពក្រៅឆាករបស់អ្នកទាំងពីរស្និទ្ធស្នាលគួរឱ្យស្រឡាញ់ខ្លាំង។

អ្វីកាន់តែធ្វើឱ្យមហាជនអ្នកគាំទ្រចាប់អារម្មណ៍ខ្លាំងចំពោះ ស្រីស្អាតប្រុសសង្ហាមួយគូនេះ ថ្មីៗនេះ ខណៈបានឃើញអ្នកទាំងពីរចូលរួមកម្មវិធីសម្ពោធមហាស្រពភាពយន្តអន្តរជាតិកម្ពុជាលើកទី១២ បានថតរូបជុំគ្នាជាមួយនឹងសិល្បករ-ការិនីជាច្រើនរូប គេចាប់អារម្មណ៍ឃើញថា ពេជ្រ វត្តីសារ៉ាឌ្ឍី និង Paing Takhon ស្និទ្ធគ្នាខ្លាំង ជាពិសេសលោក Paing ដៃឱបកៀកចង្កេះ វត្តី ជាប់ស្ទើរគ្រប់រូបភាព។

រូបភាពជាច្រើនសន្លឹកត្រូវបានមហាជនអ្នកគាំទ្រលើបណ្ដាញសង្គមចែករំលែក និង បញ្ចេញមតិបង្ហាញអារម្មណ៍រំភើបចិត្តចំពោះដៃគូសម្ដែងដ៏ស័ក្តិសមមួយគូនេះខ្លាំងផងដែរ៕