(វីដេអូ) យប់មិញ! លីវ ជីលី ធ្វើឱ្យមហាជនលាន់មាត់វ៉ាវ ពេលដើរជះរាងយ៉ាងជឿជាក់លើឆាកប្រកួតបឋម MSC នៅប៉ូឡូញ

នៅយប់ថ្ងៃទី ១១ ខែកក្កដា ឆ្នាំ ២០២៣ កន្លងទៅនេះ កម្មវិធី Miss Supranational 2023 បានឈានដល់វគ្គប្រកួតបឋមហើយ ដែលតម្រូវឱ្យបេក្ខភាពបវរកញ្ញាតំណាងប្រទេសនីមួយៗបញ្ចេញសមត្ថភាពរៀងៗខ្លួនជាមួយនឹងការដើរបង្ហាញឈុតរាត្រីសមោសរ និង ឈុតប៊ីគីនី នៅលើឆាកកម្មវិធីប្រកួតដ៏អស្ចារ្យមួយនេះ។

ក្នុងរាត្រីនៃវគ្គប្រកួតនេះដែរ ក្រឡេកមើលបវរកញ្ញាតំណាងឱ្យកម្ពុជាយើងគឺ កញ្ញា លីវ ជីលី វិញ បានធ្វើការបង្ហាញសមត្ថភាពដើរយ៉ាងស្វាហាប់ និង ជឿជាក់ ពោរពេញដោយទំនុកចិត្តបំផុតទាំងការបង្ហាញខ្លួនក្នុងឈុតរាត្រីសមោសរ និង ឈុតប៊ីគីនី ដោយបានធ្វើឱ្យមហាជនមើលហើយរំភើបចិត្តគ្រប់គ្នា។

ពិតណាស់ វីដេអូនៃការដើរបង្ហាញសមត្ថភាពរបស់ លីវ ជីលី ក្នុងវគ្គប្រកួតបឋមនេះ កំពុងតែផ្ទុះការចែករំលែកពេញបណ្ដាញសង្គម និង មានការសរសើរខ្លាំងពីមហាជនអ្នកគាំទ្រ ព្រមទាំងកាន់តែបង្ហាញទំនុកចិត្តខ្លាំងចំពោះនាងថានឹងអាចទទួលបានលទ្ធផលល្អត្រឡប់មកមាតុភូមិវិញ៕

សូមទស្សនាវីដេអូខាងក្រោម៖ឮ