ចែកគ្នាដឹង! នេះជាទីតាំងសំខាន់ៗ ៣ នៅខេត្តបាត់ដំបង ដែលនឹងផ្សាយបន្តផ្ទាល់ការប្រកួតកីឡា ក្នុងព្រឹត្តិការណ៍ស៊ីហ្គេម

កាលពីថ្ងៃទី ២៧ ខែមេសា ឆ្នាំ ២០២៣ កន្លងទៅ រដ្ឋបាលខេត្តបាត់ដំបង បានចេញសេចក្ដីជូនដំណឹងស្ដីបីការផ្សាយបន្តផ្ទាល់ការប្រកួតកីឡាអាស៊ីអាគ្នេយ៍លើកទី ៣២ ឆ្នាំ ២០២៣។

ជាក់ស្ដែង នៅក្នុងសេចក្ដីជូនដំណឹងបានបញ្ជាក់ថា ដើម្បីបង្កបរិយាកាសរីករាយជូនបងប្អូនប្រជាពលរដ្ឋ និង សាធារណជន ដែលស្រឡាញ់វិស័យកីឡា បានទស្សនាកម្សាន្តសប្បាយក្នុងព្រឹត្តិការណ៍ប្រកួតកីឡា អាស៊ីអាគ្នេយ៍លើកទី ៣២ និង កីឡាអាស៊ានប៉ារ៉ាហ្គេម លើកទី ១២ ឆ្នាំ ២០២៣ នាពេលខាងមុខ រដ្ឋបាលខេត្តបាត់ដំបង បានរៀបចំផ្សាយបន្តផ្ទាល់ការប្រកួតកីឡាបាល់ទាត់ កីឡាគុនខ្មែរ និង កីឡាបាល់ទះ ចាប់ពីថ្ងៃទី ២៩ ខែមេសា ដល់ថ្ងៃទី ១៦ ខែឧសភា ឆ្នាំ ២០២៣ នៅតាមទីតាំងសំខាន់ៗចំនួន ៣ ដូចជា ៖

១. មុខអគារសារមន្ទីរប្រវត្តិសាស្រ្តសាលាខេត្តបាត់ដំបង
២. បរិវេណសួនសម្ដេចក្រឡាហោម
៣. នៅក្នុងបរិវេណទីតាំងសហភាពសហព័ន្ធយុវជនកម្ពុជា ខេត្តបាត់ដំបង។

គួរបញ្ជាក់ដែរថា នៅថ្ងៃទី ២៩ ខែមេសា ឆ្នាំ ២០២៣ ស្អែកនេះ នឹងមានការប្រកួតបាល់ទាត់រវាងឥណ្ឌូនេស៊ី និង ហ្វីលីពីន នៅម៉ោង ៤ ល្ងាច ហើយនៅម៉ោង ៧ គឺជាការប្រកួតរវាង កម្ពុជា និង ទីម័រឡេស្តេ៕

ដោយឡែក សម្រាប់ទីតាំងតាមបណ្ដាក្រុង ស្រុក មានក្នុងសេចក្ដីជូនដំណឹង ដែលមានភ្ជាប់ជូនខាងក្រោម៖

ប្រភព ៖ រដ្ឋបាលខេត្ត បាត់ដំបង